(TMZ) – Will Smith ta ricibi sancion pa incidente cu Chris Rock na The Oscars. Academy of Motion Pictures a clasifica Will Smith como “persona non grata” pa un decada. E academia su Board of Governors a reuni diabierna y despues di e voto, e academia su Presidente y CEO a bisa cu e directiva a dicidi cu pa un periodo di 10 aña, cuminsando for di 8 di april di aña 2022 Will Smith no lo ser permiti atende ningun evento ni programa di e academia, sea en persona of virtualmente, incluyendo pero no limita na e academia su entrega di premio.
E Academia a sigui cu un mea culpa bisando cu “durante e programa nos no a maneha e situacion adecuadamente. Pa esaki nos ta pidi despensa. E tabata un oportunidad pa nos marca e ehempel na nos invitadonan, televidentenan y e famia di nos academia rond di mundo, y nos no a cumpli cu e saki. Nos no tabata prepara.”
E presidente a expresa gradicimento na Chris Rock bisando cu “nos kier expresa nos gratitud profundo na Mr. Rock pa a mantene su postura bao di circunstancia extraordinario.”
Aparentemente e academia a gana ora cu nan a declara cu nan a pidi Will Smith sali for di e teatro despues di e incidente. Al contrario, segun fuentenan ta conta, e programa su productor Will Packer a bisa Smith cu e por keda.
