Diamars por lo menos 12 persona a muri y otro 37 a keda herida den un accidente entre dos autobus, riba un caretera na Puerto Ordaz, oriente di Venezuela, Fiscalia a informa.
“E accidente a sucede diamars marduga, caminda un autobus a dal contra otro autobus di transporte publico,” ministerio publico a splica.
E gobernador di Bolivar, Francisco Rangel a splica cu e accidente a sucede ora cu un di autobus tabata accidenta, anto e chauffeur di e otro autobus a yega y no a ripara e accidente, locual a provoca cu el a dal di atras contra e prome autobus cu tabata para.
“Un autobus tabata staciona y e otro a dale. Awor tur cuerpo di seguridad ta activa pa atende tur e victimanan,” Rangel a informa. Funcionario di polis cientifico y di fiscalia a cuminsa cu un investigacion pa asina haya sa e causa di e accidente, reporte oficial a precisa.
