Diadomingo anochi riba Avenida Watty Vos altura di e muffler shop a sucede un accidente di auto basta fuerte cu a laga varios persona herida. Di biaha unidadnan policial a acudi na e sitio a solicita ambulancenan pa atende cu esnan herida. Polis di departamento di trafico a haci nan investigacion y determina cu e aristo biniendo for di nort a baha caminda subi acera, bula cay riba e yaris machike completo y bolter algun biaha cay bek riba su 4 wielnan dal riba un mata di kwihi. Tabata un senario basta serio unda polis mester a haci nan investigacion. Ambulance a hiba tur e heridonan pa hospital, e chauffeur di e aristo bou influencia a keda deteni pero a bay hospital cu ambulance tambe pa un control medico.
