(ElNacional)—Algun 9,3 miyon di persona na Venezuela ta enfrenta cu algun tipo di problema cu salud y no tin acceso na medicamento pa via di poder di consumo cu ta abou. E motibo aki a obliga nan pa priorisa compras basico di alimento, segun abogado Natasha Saturno diahuebs, ken ta coordinado di ‘Unidad di Exigibilidad di Derecho di Humano di e organisacion no gubernal Accion Solidario.’
Esaki ta conta di un situacion cu ta dificil, pero cu tambe ta hustifica e necesidad pa mantene nos programanan humanitario,” segun un defensor di derecho di humano durante e presentacion di un balans di e Programa di Respuesta Humanitario den Salud di Accion Solidario.
El a señala, prome cu e falta di recursonan economico, casi 90% di Venezolanonan ta depende di e sistema sanitario publico, cual ta experenciando un situacion di collapse. Esaki ta demostra claramente un crisis den e pais.
Den e sentido aki, e fundado y president di Accion Solidario, Feliciano Reyna, a sigura cu un gran parti di e populacion ta bibando den un situacion critico pa locual ta nan derecho di salud. El a indica cu desde 2016, ora el a inicia e programa te 2023, e organisacion a ricibi asistencia di organisacionnan aliado den exterior. El a destaca cu nan a desplega 314 ton di ayudo, den forma di tratamento y medicamento.
Segun reportahenan, 58 di e 137 organisacion aliado di Accion Solidario, a atende mas cu 775.000 persona cu tratamento desde 2018, di cual 426.000 ta hende muhe, Reyna a señala.
Ademas, e grupo di Venezolano cu mas di 55 aña di edad ta ken tin mas necesidad pa apoyo cu nan medicamento. E enfermedad mas comun ta hipertension, diabetes, problema respiratorio entre otro.
“Nos ta haciendo un esfuerso di capacitacion pa asina e 137 organisacionnan tur bin dilanti,” Reyna a agrega. Esaki por haci’e posibel pa conoce e alcance completo di e respuesta humanitario.
