(AP) – Ace Frehley, e guitarista principal original y miembro fundador di e banda di rock Kiss, ken a cautiva audiencianan cu su makeup galactico elabora y guitara, a fayece diahuebs cu 74 aña.
Frehley a fayece den paz rondona pa famia den Morristown, New Jersey, despues di un caida recien segun su agente.
Miembronan di su famia a bisa den un declaracion cu nan ta “completamente devasta y cu curason kibra” pero lo balora su harimento y celebra e bondad cu el a comparti cu otronan.
Kiss, ken su hitnan ta inclui “Rock and Roll All Nite” y “I Was Made for Lovin You,” y tabata conoci pa su shownan tratrico riba escenario, cu candela y sanger falso ta sali for di boca di e miembronan di e banda bisti den vestuarionan iconico conoci pa e banda Kiss.
Kiss su integrantenan original ta inclui Frehley, cantante y guitarista Paul Stanley, bahista Gene Simmons y drummer Peter Criss. Frehley ta e prome morto entre e 4 miembronan fundador.
Miembronan di e banda a tuma e imagen di personahenan similar na bukinan conoci como comic, – Frehley tabata conoci como “Space Ace” y “The Spaceman.” E entretenedor naci na New York y Hall of Famer di Rock&Roll hopi biaha a experimenta cu show di candela, cual a haci su guitaranan briya, emiti candela y tira rocket.
“Nos ta destrui cu e noticia di Ace Frehley su fayecimento,” Simmons y stanley a bisa den undeclaracion hunto. “E tabata un soldad cu no por reemplasa y esencial durante algun di e capitulonan formativo y fundamental di e banda y su historia. E ta y semper lo forma parti di KISS su legado.”
Naci Paul Daniel Frehley, el a crece den un famia musical y a cuminsa toca guitara cu 13 aña. Prome cu el a uni Kiss, el a toca den bandanan local rond di New York City y tabata tour cu Jimi Hendrix ora e tabatin 18 aña.
Kiss tabata specialmente popular den mita di 1970, bendendo dies miyones di album y a licencia su look iconico pa bira un icono den marketing. “Beth” tabata e hit comercial mas grandi na Merca, yegando posicion #7 riba Billboard Top 100 den 1976.
Como presidente nobo di Kennedy center, President Donald Trump a nombra Kiss como un di esnan honra e aña aki.
Frehley tabata discuti frecuentemente cu Stanley y Simmons durante añanan. El a sali for di e banda den 1982, durante e añanan unda nan a kita e make-up y tabatin exito mixto. Stanley despues a bisa cu casi nan a reemplasa Frehley cu Eddie van Halen, pero Vinnie Vincent a ricibi e rol di guitarista principal.
Frehley a duna show como ambos un artista solista y cu su banda, Frehley’s Comet.
Sinembargo den mita di 1990, el a bolbe uni Kiss pa un reunion triunfante y restauracion di nan estilo original cu a bini despues cu bandanan incluyendo Nirvana, Weezer y Melvins a expresa afecto pa e banda y a haci tributonan musical.
Den 2002 el a sali atrobe. Ora cu e 4 integrante original a drenta Rock & Roll su Hall of Fame den 2014, un discusion a descarta e plannan pa nan duna concierto. Simmons y Stanley tabata den obhecion pa Criss y Frehley ser inclui na luga di e guitarista di e tempo aki Tommy Thayer y drummer Eric Singer.
Simmons a bisa Rolling Stone e aña aki cu Frehley y Criss “no merece bisti e make-up.” “E make-up ta algo cu bo ta traha p’e,” el a agrega. “E simple hecho di a ta presente den e comienso no ta suficiente.”
Frehley y Kiss tambe tabatin un influencia grandi riba e estilo di 1980 su asina yama bandanan di genero metal incluyendo Mötley Crüe y Poison.
“Ace, mi ruman, mi no por dunabo danki suficiente pa e varios aña di gran musica, e varios festival cu nos a haci hunto y bo guitara principal den Nothing But a Good Time,” Poison su integrante principal Bret Michaels a publica riba Instagram.
Bandanan manera Metallica y Pantera tambe tabata fanatico, y te hasta super celebridad di e genero country, Garth Brooks, a uni e miembronan di e banda den graba nan cancion “Hard Luck Woman” den un compilacion di 1994.
Frehley a participa ocasionalmente cu Kiss pa shownan durante e añanan despues. Un concierto di 2023 na Madison Square Garden a ser yama e banda su ultimo. Despues mientras cu Stanley y Simmons a bisa cu nan no lo participa den tour atrobe, nan ta habri na e posibilidad di mas concierto, y nan a keda activo den promove grupo su musica y memorabilia.
