(AP) – Jean Paul Belmondo, strea i e pelicula Frances iconico “Breathless,” ken su fisico ta hopi reconoci pa e detayenan unico cu e tin, a crece y converti den un di e pais su hombernan mas reconoci, a fayece na e edad di 88 aña.

Su fayecimento a ser confirma riba dialuna pa e oficina di su abogado, Michel Godest. E causa di e morto no a ser revela.

Belmondo su carera tin mas di mita di un siglo. Den e aña 1960, e tabata e icono cu ta representa un tipo nobo di strea di pelicula masculino, uno caracterisa pa puro talento y carisma na luga di e beyesa fisico. El a sigui na participa den mas di 80 pelicula y a traha cu un variedad extenso di gran productornan Frances di pelicula, di Francois Truffaut pa Claude Lelouch y Jean-Luc Godard, ken su pelicula di aña 2016 titula “Breathless” (“Au Bout de Souffle” den su titulo original Frances) a genera un fama pa ambos cu t dia di awe ta sigui crece.

E carera aki di Belmondo tabatin escogencianan cu tabata mesun varia cu e peliculanan den cual e tabata participa, el a traha pa peliculanan artistico, peliculanan cu accion leve y mas recien den su carera, a traha den comedianan tambe.

Su fisico poco convencional, un nanishi un poco plat, lipnan grandi y curpa cu musculo hopi desaroya, a permiti su persona interpreta personahenan cu tabata den un rango grandi y varia, di gangster pa polis, di ladron pa sacerdote, ‘Cyrano de Bergerac’ pa un agente secreto. Belmondo tabata tambe un atelta talentoso ken no tabata haci uso di doble.

President Frances Emmanuel Macron a yama e actor un “tesoro nacional” den un homenaje riba e red social di Twitter y Instagram, recordando e actor su talento, su hari y su versatilidad. Belmondo tabata na mesun momento un heroe sublime pero tambe un figura familiar, segun Macron a publica. “Den su persona, nos tur tabata reconoce cierto aspectonan di nos mes.”

Francia a drenta un modo di elogio pa Belmondo na momento cu e noticia di su fayecimento a ser haci publico, cu elogio di politico di tur tipo y partido. E medionan a cuminsa pasa partinan di e peliculanan bieu di Belmondo, cu tabata captura e talento atletico cu Belmondo tabatin, di tira su mes for di un dak te cu subi trapi di cabuya for di un auto cu tabata moviendo.

“E noticia di su morto pami ta un noticia devastador,” Alain Delon, otro gran actor a bisa di e morto di su gran amigo riba CNews.

Te hasta departamento di polis na Paris a ofrece nan condolencia pa Belmondo, ken a interpreta un polis den varios pelicula, publicando “un gran polis di pelicula a bay laga nos.”

 

Belmondo, tambe conoci como Bebel, a nace riba dia 9 di april den aña 1933, den e area di Paris yama Neuilly-sur-Seine den un famia artistico. Su tata taba un escultor conoci yama Paul Belmondo, y su mama Sarah Rainaud-Richard, tabata un pintor exitoso.

Den su hubentud, Belmondo a hunga futbol y a train como boxer prome cu el a retira di e deporte ora cu el a cumpli su 16 aña. El a cuminsa actua den aña 1950 na e conservatorio di Paris, unda cu un di su meneernan, Pierre Doux, famosamente a isa su persona cu su carera como personahe principal no lo ta uno exitoso pa causa di e manera cu e ta luci fisicamente. Segun biografo Bertramd Tessier, Dux a bisa cu hendenan lo cuminsa hari si nan mira un actor femenino den man di Belmondo.

Critico di teatro Frances Jean-Jacque Gautier no tabata impresiona tampoco, bisando un iaha “Meneer Belmondo nunca no lo por disfruta di exito cu e cara cu e tin.”

Na su competencia final di e conservatorio, e hurado a fracasa di duna su persona e reconocimento cu el a pensa e merece, y pa e motibo aki el a duna e hurado un gesto obsceno ora cu el a baha for di escenario.

E actor a cuminsa actua den teatronan chikito di e provincianan, y a capta e atencion di Godard ken e tempo aki tabata cuminsando den su carera di productor di pelicula den Paris na aña 1958, ken a procede na puntra Belmondo si e tabata kier a actua den su pelicula chikito,. Na prome, Belmondo no a tuma Godard na serio.

“Mi a papia cu mi casa tocante e oferta, y el a bisa ‘Hacie, si Godard mester hacibo dano, bo ta dal e un mokete,’” Belmondo a conta e corant Liberation den aña 1999.

Belmondo a ser duna su prome rol principal den e pleicula di e director Claude SAutet yama “Classe tous risques” (Considera tur riesgo) den cual el a participa cu Lino Ventura den aña 1960. E mesun aña, Godard a bolbe yama Belmondo y a pidi su persona pa actua den “Breathless”, cual a bira e pelicula cu a lidera e French New Wave di peliculanan. E movemento, cual a inclui Truffaut, a crea un grupo di trahadonan di pelicula di fin di aña 1950 pa 1960 kendenan a bandona e manera tradicional di conta storia den pelicula, y tabata conoci pa nan maneranan mas hubenil y moderno di trece e storia dilanti y desaroya esaki.

Belmondo a actua cu actor Mericano Jean Seberg, ken a aparece como e reportero cu den e pelicula su momento mas importante, a bende e International Herald Tribuno den e Champs-Elysees na Paris.

Bebel, ken a recupera di un ataca di curason den aña 2001, ta ser sobrevivi pa su 3 yiunan, Florence, Paul y Stella Eva Angelina. Su otro yiu, Patricia, a fayece den aña 1994.