Un estudio nobo ta mustra cu e celebro di hende cu ta adicto den hunga na Casino y haci bet, ta funciona mescos cu esun di un alcoholico of persona adicto na droga. E estudio nobo ta mustra cu e mesun partinan di e celebro ta activo ora ta trata di cualkier tipo di adiccion. Mientras cu e estudio ta den su fase di infancia, fundacion di salud publico na Britania NHS a anuncia cu nan resultado por trece tratamento nobo pa adiccion.
Cientificonan a identifica dos area di e celebro cu ta sumamente activo den hungadonan di Casino.
E partinan ‘insula’ y ‘nucleus accumbens’, cual ta areanan activo tambe den adiccion di droga y ‘sensacionnan di recompensa’. A haya un link tambe cu e parti dilanti di e celebro, cual por yuda controla impulsonan cu un coneccion mas debil entre e parti aki y e nucleus accumbens. Esaki ta wordo asocia cu un sentimento fuerte of cu un hopi gana di hunga den Casino of cualkier otro wega di bet.
Fuente: News.AU
