Diaranson pa mas o menos 1’or di marduga hendenan den vecindario di KFC na Playa a mira un adicto ambulante haciendo sospechoso na e porta di Kentucky Fried Chicken.
A mira con e tabata purba di kibra e porta pa asina drenta e establecimento. A yama polis inmediatamente y den un rato di tempo polis a yega na e sitio. Na e sitio polis a topa un adicto ambulante y el a bisa cu el a bin pa drumi y ora el a yega tabata tin otro adicto ambulante cu kier a drenta pa busca cuminda pero ya caba el a bandona e sitio. Polis a tuma dato y core su persona for di e area.
