Aruba Airport Authority (AAA) cu masha orguyo a participa den United Nations’ (UN) Global SDG Action Week 2023 to #ACT4SDGS. Nacionnan Uni, incluyendo tur e estadonan cu ta miembro, a adopta e Agenda 2023 pa desaroyo sostenibel, cu ta proporciona un plan pa paz y prosperidad di e personanan y planeta. Desde dia 15 pa 25 di september 2023, UN SDG Action Campaign y su socionan global a amplia e compromiso y e accion rond mundo tocante e 17 metanan conoci como e “Sustainable Development Goals”.

AAA a prepara un programa pa e United Nations’ (UN) Global SDG Action Week 2023, yena cu actividad educativo y interactivo caminda e trahadonan a participa. Diasabra dia 16 di september 2023, World Beach Cleanup Day, AAA hunto cu Kiwanis Key Club, a organisa un dia di limpiesa na Boca Grandi. Un total di 70 participante a uni forsa pa yuda haci un area di aproximadamente 1.5 km limpi y ta importante pa menciona cu nan a piki basta cantidad di sushi.

A lo largo di e United Nations’ (UN) Global SDG Action Week 2023, e empleadonan di AAA tabatin e oportunidad di participa den diferente actividad, incluyendo un wega interactivo di concientisacion tocante SDG, un presentacion tocante waste management & recycling bou encargo di Junior Lecturer na Universidad di Aruba, Colleen Weekes. A haci donacion di paña cu nan a distribui entre comunidad local a traves di Cruz Cora Aruba y diferente scol y riba e SDG Flag Hoisting Day dia 25 di september 2023. Como parti di e United Nations’ (UN) Global SDG Action Week 2023, e empleadonan di AAA a ricibi un SDG Wheel Pin pa continua cu e concientisacion na trabou, cas y rond Aruba.

“Sostenibilidad ta integra den e vision, e obhetivonan y e metanan di AAA y ta p’esey ta fortalece ainda mas su compromiso di realisacion y e contribucion pa e SDGs. Door di organisa un United Nations’ (UN) Global SDG Action Week 2023, nos ta sigui asocia nos mes cu otro organisacion pa proyectonan impactante y duna bek na proyectonan comunitario cu ta haci uzo di SDG como guia, nos ta sigui curasha nos coleganan y e comunidad pa ta mas socialmente responsabel”, asina Angeline Flemming, Director of Health, Safety and Sustainability na AAA, a duna di conoce.

Tocante AUA Airport

AUA Airport ta un di e aeropuertonan mas ocupa den region Caribe cu mas di 22 diferente

aerolinea operando pa Aruba contribuyendo na mas cu 2.5 miyon pasahero pa aña y cu buelonan pa 22 diferente ciudad 34 diferente destinacion directo rond di mundo. Di e mercadonan cu AUAAirport ta sirbi 77% ta for di Merca y Canada, 13% for di Latino America, 6% for di Europa y 4% for di Antia Hulandes te cu luna di Augustus 2023. AUA Airport ta reconoce cu esaki ta danki na e economia stabiel, clima politico, hospitalidad, populacion diversifica y siguridad general di nos isla.

AUA Airport su aspiracion ta pa bira un aeropuerto sostenibel, sigur y a prueba di futuro, den region Latino Americano & Caribense, brindando un luga di trabou confiabel, facilidad di un aeropuerto moderno y un servicio excelente cu ta e refleha hospitalidad Arubiano, contribuyendo na un futuro prospero pa Aruba.

Conoce mas di loke ta pasando na AUA Airport door di bishita www.airportaruba.com y conecta

cu AUA airport riba Twitter.com/Aruba_Airport, Facebook.com/ArubaAirport,

Instagram.com/arubaairport/