img_1443494592_922.jpg

AMSTERDAM – Segun informacion di nos colaborador na Noticia Cla, Marifer Aguirre Broca den calidad como presidente di parlamento hubenil di Reino, a hiba un discurso na ocasion di e celebracion di 200 aniversario di Reino Hulandes recientemente, cu a hala hopi atencion. No solamente pasobra e tono y contenido tabata uno impactante, sino tambe e relacion cu Aguirre tin cu Aruba.

Naci na Mexico, pero manera e mes a bisa, un arubano hulandes, e la sinti cu e ta e persona adecua pa por papia di tur e diferente culturanan, bibando uno su mes asina, hunto cu su mayornan. For di chikito, Aguirre a sa di sobresali, y ta un persona sumamente conoci na Aruba. Cu apenas dos aña di edad e la muda hunto cu su mayornan pa Aruba. Su desaroyo international a hasi Marifer e candidato perfecto pa tuma e rol di president di Parlamento Juvenil unda jovennan di tur parti di reino ta bini hunto. Dia 1 di september 2015 Marifer a wordo nombra como e president nobo di Parlamento Hubenil di Reino (Koninkrijks Jeugdparlement, KJP). Su participacion na KJP ta duna Marifer hopi ventaha. Asina e ta conoce personanan importante den politica di Hulanda y ta participa na e eventonan mas prestigioso den Reino. 

Diasabra ultimo, Marifer a duna un discurso pa Rey y Reina di Hulanda pa clausura di e celebracion di 200 aña di Reino. E lema durante e evento aki tabata: “union den diversidad”. Marifer ta pensa cu den Reino mester siña con pa trata otro mihor y con hunto nos tin union. No tin un mihor lema cu ta cuadra cu Reino: “Nos tur ta diferente y asina mes nos tur ta igual”, ta palabranan di Marifer durante su discurso. 

Marifer ta un graduado di Colegio Arubano. Na aña 2012 e la optene su diploma di VWO. Marifer ta studiando na Universidad di Leiden, unda cu recientemente e la obtene su certificado di bachelor den International Studies. Actualmente e ta hasiendo su masters den International Relations. Dia 20 di november proximo Marifer lo tene un video-conference pa tur e alumnonan di Colegio Arubano klas, VWO 5 y HAVO 4 unda e ta bai conta su experiencia como president di Parlamento Hubenil di Reino y tocante su estudio. 

LEAVE A REPLY

Please enter your comment!
Please enter your name here