Siman pasa nos a habri e porta. Nos a duna varios ehempelnan di tur loke AI lo por haci den bida diario. E siman ki nos ta drenta den e porta aki.

Pasobra papia riba AI ta bon, pero usa AI mañan ta mihor ainda. E noticia mas dushi di tur? Hopi di e hermentnan mas potente riba mundo ta completamente gratis. Sin tarhetanan di credito, sin letra chikito; solamente bo persona, bo pregunta/prompt, y bo pantaya di computer of te hasta celular.

Laga nos kita e mito cu AI ta pa empresarionan grandi cu carteranan yen. No. AI ta pa panadero di Oranjestad cu kier sa si su negoshi tin futuro. Ta pa studiantenan di Universidad cu tin deadline mañan. Ta pa mama di Sabana Liber cu kier compronde su contract di huur mihor. Asina nos ta cuminsa.

Claude Sonnet 4.6 – Bo Consehero Digital di Negoshi

Si bo tin un idea di negoshi, un contract cu bo no ta compronde, of un carta formal cu bo mester skirbi – Claude.ai ta bo promer assistent digital. E modelo Sonnet 4.6 di Anthropic ta rasona cu logica cerca di un abogado, pero ta papia cu bo manera un bon amigo. Bis’e: “Yuda mi skirbi un business plan pa mi food truck,” y e lo duna bo structura, proyeccion, y conseho practico. Manda e clausulanan di un contract cu un pregunta kico esaki ta nifica – e lo splica bo den forma duidelijk. Completamente gratis y disponibel awe mes.

Gemini y Nano Banana Pro – Pa Tur Cos Visual

Google su Gemini ta un multi-talento: e por skirbi, analisa, y tambe crea imagen. Pa negoshi chikito cu mester un logo rapido, un flyer, of contenido pa Instagram – Gemini ta un partner preferi.

Y laga nos papia di e sorpresa local: Nano Banana Pro di Google ta demostra cu e industria creativo ta descentralisa. Ideal pa creacion di contenido visual cu un toke unico. Cualkier emprendedor na Aruba cu tin un producto bunita mester experimenta cu e plataformanan aki pa wak ki estetica ta keda mihor cu nan marca y preferencianan.

DeepSeek – E Coder den Bo Arsenal.

Bo tin un idea pa un aplicacion? Un website cu bo kier automatisa algo? DeepSeek ta open-source y sorprendentemente capaz den traha codigo. Deepseek ta compronde Python, JavaScript, SQL – y ta splica codigo paso pa paso pa esnan cu ta siñando of no ta un experto den coding.

ChatGPT, Perplexity y NotebookLM – E Trio di Investigacion

ChatGPT (OpenAI) ta e clasico – versatil, rapido, ideal pa brainstorming. Perplexity AI ta busca riba internet den real time y ta duna bo respuesta cu fuente – perfecto pa periodista, studiante, y cualkier persona cu mester verificacion rapido. Y NotebookLM di Google ta permiti bo upload bo mes documentonan y laga AI ta studia nan pa bo. Imagina bo: subi bo notanan di les y puntra cualkier cos cu bo no a compronde.

E hermentnan ta aki y disponibel gratis awe mes. E porta ta habri. E unico pregunta ta: bo ta drenta?