18 persona a perde nan bida den un accident fatal entre un bus y un truck na Alemania. E accident a pasa riba e caminda A9 cerca di e ciudad di Bayreuth na Bavaria rond di 7’or di mainta tempo local.

Mas o menos 46 pasahero, hunto cu dos chauffer, tabata den e tourbus aki. 30 persona a keda herida, algun di nan cu heridanan serio. E otronan a muri den e bus cu a keda na candela. Forensic ta mustra cu ambos vehiculo a keda completamente destrui door di candela. No ta conoci ainda kico a causa e accident, cual ta bao investigacion. Autoridadnan ta laga sa cu e investigacion aki ta uno hopi compleho y lo tuma su tempo.