Alerta na Caribe pa tormenta Franklin

Franklin, ta e di siete tormenta tropical di e temporada di horcan na Atlantico, y ayera su intensidad a aumenta, ora cu su biento sosteni a subi na maximo  di 60 miya pa ora (96,56 km/h). Franklin por haya e forsa di horcan prome cu e lo  toca tera na peninsula di Yucatan, Mexico.

Centro Nacional di Horcan di Merca a bisa den su boletin informativo cu e tormenta ta na 205 miya (329,9 km) este di ciudad di Belice y 215 miya (346 km) na este-sur este di Chetumal, na peninsula Yucateco. Franklin ta move pa oeste nor oeste, cu un velocidad di traslado di 14 miya pa ora (22,5 km) y, segun un posibel modelo  di trayectoria su centro lo crusa e peninsula di Yucatan, durante dia di awe.

Expertonan di NHC ta bisa cu Franklin lo bira mas fuerte ora cu e drenta awa di Caribe, pa tal motibo por ta cerca di haya un intensidad di horcan, ora cu e lo toca tera awe na peninsula di Yucatan, y despues e lo debilita.

Awor tin un vigilancia riba e horcan aki,  pa su recorido na costa Mexicano desde  Chetumal te Punta Allen y a bati alarma pa un posibel tormenta tropical desde Ciudad di Belice direccion panort te frontera cu Mexico, y desde Chetumal te Campeche.

Desde awe  te mañan lo por produci acumulacion di yobida  entre  3 y  6 inch  (76.2 pa 152.4 mm) na peninsula di Yucatan y Belice. “Yobida lo causa inundacion cu por pone bida humano na riesgo,” metereologonan a alerta.

E prome tormenta tropical di 2017 tabata Arlene, cu a forma na luna di april cu a pasa,  na centro di Atlantico, mas di un luna prome cu e inicio di temporada. Despues a sigui Bret y Cindy, despues otro tormenta cu no a haya nomber, despues tormenta Don, Emily y awor Franklin. Administracion Nacional di Oceano y Atmosfera di Merca a anuncia dia  25 di mei ultimo, cu nan ta anticipa un temporada di horcan riba Atlantico cu un registro mas halto cu normal, cu  mas tormenta tropical, entre 11 te 17, di cual 5 of 9 lo bira horcan, y otro 2 of 4 lo subi di categoria.

You May Also Like

Gobierno buscando pa yena 40.000 puesto den cuerponan di seguridad

Ministro di Interior y Husticia di Venezuela, Néstor Reverol, a informa ayera cu 40.000 hoben ...

Merca no por abusa di e ayudo humanitario di Corsou

WILLEMSTAD –  E gobierno Hulandes mester pone absolutamente cla na Merca cu nan no ...

Tension na Venezuela: Cantidad ta eleva te na 39 hende fayeci den protesta

  Un hoben a drenta sin signo di bida diaranson atardi na PoliClínica Las ...

Awacero a para pero mas preocupacion pa situacion di hende damnifica

Yobida na norte di Peru a cuminsa baha su intensidad, despues di varios siman ...

Merca ta pidi mas sancion pa gobierno di Maduro y ta manda mensahe pa militarnan Venezolano

BOGOTA – Un rato pasa durante un cumbre special di ‘Grupo de Lima’, tabata presente ...