(AP) – Hackers a ricibi acceso na data personal di mayoria di e 1.4 miyon cliente di Allianz Life Insurance Company di North america, e compania a confirma diasabra.
Allianz Life, basa na Minneapolis y subsidiario di Allianz SE basa na Alemania, a bisa cu e robo di data a sucede dia 16 di juli ora cu un “actor cu intencion malicioso” a ricibi acceso na un sistema di cloud di tercer partido usa pa e compania.
“E actor aki a logra obtene data personal cu por obtene data relaciona na mayoria di e clientenan di Allianz Life, profeisonalnan financiero y algun empleado di Allianz Life. “Nos a tuma accion inmediato pa contene y mitiga e problema y notifica FBI.”
E compania a bisa cu su propio sistemanan no a cay victima, solamente e tercer partido su plataforma.
Allianz Life a bisa cu su investigacion ta andando y cu e compania a cuminsa acerca e individuonan afecta. El a bisa cu e incidente aki ta involucra Allianz Life na Merca y no otro entidadnan corporativo di Allianz.
Den e caso di robo di data, un “tecnica di ingenieria social” usualmente ta involucra triki pa ricibi acceso. Vocero Brett Weinberg a bisa cu e no por provee detaye pa motibo cu te ainda nan ta investigando.
Allianz Life tambe a reporta e robo aki na varios otro autoridad, incluyendo Maine Attorney General’s Office. Un documento entrega tocante e agencia su website a bisa cu e compania a descubri e robo e dia despues cu esaki a sucede, y cu e lo ofrece esnan afecta 24 luna di proteccion di robo di identidad y monitor credito.
Allianz Life tabata conoci como North American Life y Casualty te ora cu esaki a keda adkiri pa conglomerado Aleman Allianz SE den 1979 y a cambia su nomber na Allianz Life Insurance Company of North america. E tin casi 2,000 empleado na Merca, cu mayoria trahando na Minnesota segun su website.
E ta un di e 5 subsidiario di Allianz SE cu ta brinda servicionan financiero, cual ta bisa cu e ta brinda servicio na mas di 125 miyon cliente mundialmente.
