Alrededor di 100 studiante Hulandes afecta pa virus na Italia

Un grupo di studiante di MBO cu ta den nan di 3 y 4 aña di estudio a hayanan den un situacion inusual ora cu nan a ser afecta pa un virus. Tabata durante un biahe di scol cu e studiantenan a keda afecta, “un biahe cu nan no ta bay lubida”, lider di e grupo Stephan Welie a comenta.

E biaha tabata encera un bishita pa Alemania, Suecia y tambe na Italia na e ciudad di Milan. Desde diamars anochi derepente un 30 studiante a cuminsa sinti nan mes malo y a cuminsa saca. Di e grupo aki un 16 di nan mester a wordo hiba hospital y mester a keda eynan pa observacion. “Naturalmente semper bo ta tene na cuenta cu algo por pasa durante un biahe asina pero esaki sigur a pone nos spanta”, Welie a comenta.

Pa por a atende e studiantenan, mester a pidi ayudo di dos ekipo medico y tambe haci uzo di 5 ambulance pa transportanan. 13 di e 16 nan cu a wordo hospitalisa ya a sali pa su sigiente dia mientras cu e otro 3nan ta bou di observacion ainda. E otro studiantenan tambe tabata simptoma di e virus pero no a bira mesun malo. Ki virus exactamente e tabata y na ki manera nan a ser afecta no ta conoci ainda.

Ministerio di Asuntonan Exterior Hulandes a pone su mes disponibel pa yuda e grupo aki regresa Hulanda lo mas pronto cu ta posibel y pa asisti den kalke otro cos cu ta necesario.

You May Also Like

Accidente avion Rusia

‘Influencia externo’ causa accidente avion Rusia mata 224

E aerolinea Rusia Kogalymavia a declara cu un ‘influencia externo’ a causa cu e ...

Cantante R. Kelly ta yora den entevista

CHICAGO – E strea di musica R&B a cuminsa yora, cu rabia el a ...

160809134936-faizan-patel-airplane-exlarge-169.jpg

Homber ta bay riba luna de miel sin su casa

Un fotografo di India ta disfrutando un fabuloso lunda de miel Italiano – sin ...

Ben Whiteman

Awor si gobierno Corsou a cay

E tabata colga den aire un par di dianan caba, despues parlamentario di PAIS ...

Facebook a despedi persona cu a lek informacion di prehuicio

CALIFORNIA (The Verge) – Facebook ta bisa cu el a despedi un contratista kende ...

gene wilder

Actor Gene Wilder famoso como ‘Willy Wonka’ a fayece

E actor Mericano Gene Wilder, famoso entre otro di e pelicula Willy Wonka & ...