Un di e dos sospechosonan principal den e misterio familiar di e granja a presenta na corte na Assen diamars ultimo pa e prome audiencia pocesal di e caso. Josef B, e homber Asiatico cu a huur e granja den nomber di e famia y ta sospechoso di secuestro y labamento di placa, tabata den corte pa asina scucha e cargonan den su contra y pa scucha e detayenan di e investigacion.
El a ser deteni y lo keda bou custodia te cu e caso principal tuma luga na fin di e aña aki. “ Mi no a horta ningun hende nan libertad”’ B a bisa den corte. “ Esaki ta jaagmento di bruha. Si un persona ta kere den dios siguramente esaki ta nan propio decision. B no a bisa nada di e caso, ya te cu awo a informa cu ta berdad. “ No tabata tin un bodega y ningun hende tabata eynan contra nan boluntad”, el a bisa. Gerrit Jan van D, e tata di e seis hobennan, no ta suficiente bon pa papia y ta permanece den hospital di e prizon na Scheveningen.
E famia a ser descubri na principio di oktober ora cu un hoben a baya na un bar local pa pidi ayudo. Na e momento ey e fiamia a ser trata como un especie di culto di doomsday sin conexion cu mundo exterior, pero mas despues nan a haya sa cu tanto e tata como e yiu homber mayo tabata activo riba rednan social. Tambe nan a haya sa cu Van D tabata tin otro tres yiu cu a kibra e contacto cune y nunca nan a biba na Ruinerwold. E ta sospechoso do a abusa sexualmente di dos di nan.
Corte a informa cu e abuso a tuma luga ora nan tabata enter e edad di 12 y 15 aña , y cu Van D tabata wak spiritonan femenino den nan, Incluyendo esun di nan mama, cu a fayece na 2004.
Nacementonan secreto
E nacementonan di e seis yiu cu ta biba na e granja nunca a ser inclui den registronan oficial y nan a biba henter nan bida pafo di sociedad normal, e fiscal a bisa. Aunke ningun di nan a presenta un keho formal contra nan tata B, e fiscal a bisa cu nan tabata victima di actonan criminal. Tanto Van D como B tabata sa masha bon kico nan tabata haciendo ta castigabel pa ley, e fiscal a bisa. ‘Gerrit van D tabata un genio malvado, pero Josef tabata su compañero den crimen, e fiscal a bisa.
Castigo
Tur e muchanan mester a resa, tin biaha pa simannan. Durante e periodonan ey nan a ser duna solamente awa pa bebe y nada pa come. Tambe nan a ser castiga fisicamente. Tin biaha e tabata golpianan cu palonan , of nan tabata ser forsa pa sinta den un den un baña di ijs te cu nan perde conocemento. Hopi di e detayenan a ser contene den Van D su diario a ser confisca durante e investigacion policial. Fin di aña pasa, e cuater mucha hombernan mayor a haci un declaracion conhunto a traves di e documentalista Jessica Villerius,, nan ta bisa nan ta apoya e kehonan cu a ser presenta contra nan tata, kende tambe ta enfrentando cargonan di secuestro y labamento di placa. Pero E cinco muchanan mas chikito ta bisa cu nan ta apoya nan tata y a describi e division entre nan y nan rumannan mayor, den un comunicado como hopi doloroso. Tur e muchanan mester durante e audiencia principal, pero esaki lo tuma luga tras di portanan sera.
