(NLTimes) – Amsterdam a dicidi di stop e test di stop-y-fula (stop-and-frisk) cu efecto inmediato despues cu polis a haci “checkeonan di arma sin autorisacion” den november, segun alcalde Femke Halsema a bisa den un carta na e Conseho di e Ciudad, tambe di parti di e ciudad su cuerpo policial y Ministerio Publico (OM). E checkeonan “sin autorisacionnan” aki a tuma luga fuera di e areanan designa, el a declara na NH Niuews.

Den september, Halsema y e ciudad su autoridadnan a designa 5 area di siguridad como zona di stop-y-fula unda cu polis por stop y revisa persona pa armanan pa mira si e metodo aki ta efectivo. For di october te na december, cuerpo policial por a ehecuta 25 di esaki den partinan Noord, Zuid, Zuidoost y Nieuw-West.

Sinembargo algun di nan a tuma luga fuera di e areanan designa y pa e motibo aki tabata “sin autorisacion”, Halsema a declara. “Un di e checkeonan aki a tuma luga fuera di e area di riesgo di siguridad den un centro pa hubentud.” Cuerpo policial tambe a revisa hende den edificonan publico dentro di e zonanan aki. “Esaki si a encaha cu e skema legal, sinembargo pa causa di reviso den edificonan, e accionnan a ser tuma di manera diferente na loke nos a keda di acuerdo.”

Amsterdam, pa e motibo aki, a para e test aki cu efecto inmediato. Autoridadnan tambe lo investiga e revisonan cu no tabata autorisa.

LEAVE A REPLY

Please enter your comment!
Please enter your name here