(TMZ) – Angela Bassett no tabata hopi contento ora cu el a perde e premio di “Best Supporting Actress” y esaki por a mira claramente den su expression.
Angela su cara a bisa tur cos ora cu el a perde e premio na Jamie Lee Curtis pa su rol den “Everything Everywhere All at Once.” Su mannan a expresa e disgusto aki tambe, mirando cu e no a aplaudi cu e resto di e audiencia, na diferencia di e otro nominadonan cu tambe a perde e premio aki.
E actris di “Black Panther: Wakanda Forever” tabata desapunta y segun varios comentario cu ta circula online, e sentimento ta comprendibel y mirando e mesun actris su reaccion, e tambe tabata bao e impresion cu e lo ta e ganadora. Riba rednan social, e reaccionnan tabata mixto cu algun persona bisando cu e ta un mal perdedo, otronan a sinti su dolor y otronan a bisa cu esaki tabata un robo di parti di Oscars.
Entre e comentarionan, “Angela Bassett ta permiti di ta visiblemente desapunta cu e no a gana e Oscar.” Otro a skirbi, “Mi ta aprecia cu el a sa di ta honesto y no pone un cara falso solamente pa keda bon dilanti hende.”
Anfitrion di Fashion Queens Bevy Smith, a comparti su sentimentonan online, bisando cu Angela tabata mas cu merecedo di e premio. El a duna mas comentario na TMZ bisando cu Oscars a horta Angela decada atras y un Victoria riba Diadomingo por a nifica hopi no solamente pa su persona sino hende muhe di color scur rond di henter mundo.
Bevy tambe a expresa cu e ta sinti cu e reaccion ta miho di loke e por a ta y ta señala cu Angela a keda henter e anochi pa demostra su sosten.
