(FoxNews) – Angelina Jolie ta dispuesto pa mustra prueba di e supuesto violencia di Brad Pitt den nan caso di divorcio, segun un documento nobo entrega den corte.

E actriz di ‘Maleficent’ supuestamente a entrega un documento den corte diabierna dia 12 di maart ultmo, declarando cu e y su yiunan ta dispuesto pa duna ‘prueba y autoridad’ den sosten di su acusacionnan di abuso contra Pitt.

E documento ta specifica cu Jolie a bay di acuerdo pa duna testimonio, como tambe ‘testimonio di mucha menor di edad’, segun reportenan.

Jolie, di 45 aña di edad y Pitt di 57 ta comparti seis yiu: Maddox di 19 aña, Pax, 17, Zahara, 16, Shiloh, 14, y morochonan Knox y Vivienne, 12.

Un fuente familiar cu e caso a bisa Fox News cu esaki ta ‘djis otro caso di Angelina cambiando e narativa ora ta cumbini e’, agregando cu ta ‘importante’ pa nota cu a declara Pitt inocente di acusacionnan di abuso di mucha den investigacionnan di FBI y Departamento di Servicionnan Familiar y di Mucha na 2016, despues di un supuesto pelea cu a tuma luga entre Pitt y Maddox abordo di un avion.

“Tempo cu nan a divorcia den herfst di 2016, [Angelina] a haci acusacionnan similar cu a keda reporta na autoridadnan y investiga profundamente prome cu no a tuma ningun accion”, e fuente a bisa.

Representantenan di Jolie y Pitt no a contesta inmediatamente e solicitud di Fox News pa comentario.

Na 2017, Pitt a papia tocante e investigacion cu GQ Style. “Mi tabata riba mi lomba y mara na un sistema na momento cu a yama Servicio di Proteccion di Mucha”, el a bisa. “Y bo sa, despues di esey, nos a logra traha hunto y resolve esaki. Nos dos ta haciendo nos best. Mi a scucha un abogado bisa ‘niun hende ta gana den corte – ta djis bay over ken ta sufri mas’. Y esey ta parce di ta berdad.”

Mientras tanto, Jolie a papia cu British Vogue anteriormente e aña aki tocante su bida na cas cu e muchanan, y a admiti cu ‘e ultimo añanan tabata hopi dificil.
“Mi ta enfocando riba sanea mi famia. E ta biniendo back poco poco, manera ijs ta smelt y sanger ta bolbe den mi curpa”, el a bisa.

E ex-pareha ta pega den un bataya di divorcio desde 2016 tempo cu a revela oficialmente cu nan a separa despues di alrededor di 10 aña hunto y dos aña di matrimonio.

LEAVE A REPLY

Please enter your comment!
Please enter your name here