APA a duna Gobernador presentacion

Siman pasa, Gobernador Alfonso Boekhoudt tabata di bishita na Aruba Ports Autority, caminda el a haya un presentacion di e plannan pa remodela haf. Relaciona cu e bishita aki, a ricibi e siguiente relato di APA.

Diabierna ultimo Gobernador di Aruba Alfonso Boekhoudt tabata invitado special di Aruba Ports Authority unda cu gerencia a ricibi representante di Corona Hulandes cu tur honor. E mainta cu tabata uno largo, a cuminsa cu un presentacion duna door di CEO di APA ing. Jossy Figaroa. Gobernador Boekhoudt, kende ta ex director di e empresa aki, a haya un presentacion amplio di loke a haci for di 2014 te cu awor y e plannan pa futuro. Ademas di e director tabata presente Humphrey Tromp (CFO), Johnny Martes (Risk Manager), Irvin Gil (Nautical Manager) y Ronnie Angela (Security Manager).

Nan tur a elabora riba e parti cu ta concerni nan ora cu a trata e siguiente temanan cu tabata poni riba agenda: Multi Cargo Sea Terminal Barcadera; Strategic Plan – APA 2030:Port Authority; Business Developer; Landlord; Masterplan “Port Area Oranjestad”; Maritime Center Barcadera y Strategic alliances and collaboration (ISKES, Port of Amsterdam & Directie Scheepvaart). Tur e puntonan aki a bin dilanti den e presentacion na Gobernador di Aruba.

A informa e Gobernador por ehempel di e procesonan cu Aruba Ports Authority a pasa den dje den e periodo di 2014 pa 2016 unda cu a finalisa e formalisacion di financiamento pa mudamento di e waf di container di Playa pa Barcadera; recapitulacion di e construccion di e terminal Multi Cargo na Barcadera cu a termina dentro di e suma presupuesta y tempo proyecta; e revision di e prome añadi operacion di carga na Barcadera. Tambe a informa e gobernador cu a cuminsa tambe cu proceso di refinanciamento di e fiansa como cu aparte di e mercado financiero cu a cambia nos tin e periodo di construccion cu tambe ta tras di lomba cu un waf completamente nobo y modernisa.

Durante e presentacion aki APA a splica Gobernador di e plannan cu tin riba mesa pa desaroya haf di Oranjestad, unda cu e principal tarea ta pa ricibi barconan crucero, mientras cu lo desaroya e otro parti na unda tambe lo tin un area di recreacion tanto pa local como bishitantenan. A elabora riba e necesidad pa haci un estudio di factibilidad pa un Centro Maritimo hunto cu Departamento di “Scheepvaart” Aruba. A splica cu tin basta interes pa un Centro Maritimo na Aruba. Pa crea esaki den combinacion cu e desaroyo industrial, APA lo mester di espacio adicional na Barcadera y/of San Nicolas. A señala cu propiedadnan di VALERO cu recientemente a keda liber ta representa un bon oportunidad pa APA desaroya facilidadnan di marina y genera na mesun momento mas negoshi pa isla di Aruba.

APA ta trahando hopi cerca cu Free Zone NV pa mira si hunto por atrae mas negoshi den area di Barcadera. Pa loke ta e servicio di Towing cu Iskes a trece pa dilanti cu no tin un acuerdo formal cu nan pero tin un entendimento cu Iskeslo keda den region ofreciendo servicio di Towing. APA lo sigui analisa un posibel acuerdo den futuro na momento cu esaki ta mas oportuno pa ambos partido. Tambe a amplia riba e acuerdo cu tin cu Port of Amsterdam pa un periodo di 5 aña na unda a identifica e areanan cu Port of Amsterdad lo bay yuda APA proximamente.

Pa finalisa, gerencia di APA a expresa na Gobernador Boekhoudt cu APA ta hopi entusiasma cu e plannan pa desaroya e area di haf di Oranjestad cu lo nifica hopi pa e producto Aruba renoba. Despues di e presentacion Gobernador Boekhoudt a haya e oportunidad pa saluda empleadonan di APA di cual mayoria e conoce di tempo cu e tabata traha como director na e empresa aki.

You May Also Like

Artista Rachell Peterson a gana prome luga pa expo di tatuahe na Merca

Artista local di tatuahe Rachell Peterson recien a ricibi un reconocemento na Alexandria, Louisiana ...

DSC_6178.JPG

Jeep a bolter pabou di rotonde Tanki Flip

Diadomingo anochi poco pabou di rotonde di Tanki Flip pa e caminda di Hato chauffeur ...

Citgo Aruba: tur contratista mester cumpli cu ley

Despues di un control di autoridadnan diamars bou di personal di man camp di ...

VENEZUELA: Union Europeo a yega na acuerdo pa mas sancion

E paisnan di Union Europeo (UE) a yega na un acuerdo pa adopta sancion ...

Fecha final di Hulanda pa cambia LTU extendi te october

Minister di husticia a palabra hunto cu secretario di estado di Hulanda cu lo ...

image.jpeg

Guajira kier reactiva y fortalece relacion comercial cu Aruba

   Presidente Ehecutivo di Camara di Comercio di Guajira, sr. Alvaro Romero a realisa un bishita ...