Apenas 20% di nos poblacion ta bebe suficiente awa

ORANJESTAD – Iraida Thijsen, kende ta hefe di e seccion di salud di Ibisa, a enfatisa riba e parti di alimentacion saludabel y consumo di awa.

El a declara cu consumo di awa ta sumamente importante pa nos salud. Te hasta nos por bida hopi dia sin come, te hasta 30 pa 40 dia. Pero nos no por dura mas di 3 pa 4 dia sin bebe awa. ‘Nos por bisa cu awa ta e fundeshi y un elemento hopi importante den nos salud. El a trece esaki dilanti ya cu dia 6 di april ultimo tabata Dia mundial di Actividad Fisico, y su dia siguiente tabata Dia Mundial di Salud.

Sinembargo, a keda demostra den un encuesta di salud publico di 2016-2017 cu poblacion di Aruba no ta bebiendo suficiente awa. E encuesta aki, realisa den un poblacion di 4 aña bay ariba ta mustra cu e consumo di awa ta hopi pober. Un 25% di nos poblacion ta bebe di un te cu 4 glas di awa, cu absolutamente no ta suficiente, segun Thijsen. Solamente 55% ta bebe di 5 pa 8 glas, cu ta un promedio regular. Un den cada 5 hende di nos poblacion ta bebe suficiente awa. Kiermen 20% di nos poblacion si ta bebe mas cu 8 glas pa dia, cu ta e cantidad recomenda. Mientras cu e mesun investigacion aki a mustra cu nos ta bebiendo hopi bebida cu sucu, cu no ta bon pa nos salud. Pero tampoco pa nos peso y djentenan.

Den nan bela di alimentacion cu Ibisa a introduci algun añanan pasa, e bela mas grandi ta esun blauw. E guia aki ta duna bo un idea con bo mester parti bo cuminda durante dia, pa bo por haya tur substancia nutritivo cu curpa mester pa e por funciona optimalmente.

Banda di oxigeno, awa ta un di e elementonan mas importante pa bida. Un 70% di nos curpa ta consisti di awa. Te hasta den nos wesonan y djentenan tin awa. E cantidad mas grandi ta den nos sanger, ya cu e ta un 92%.

Mientras cu e tarea di awa ta hopi biaha pa disolve e cuminda cu nos a come, e vitamina y e mineralnan. Asina nos curpa por absorbe nan den nos sanger, pa hiba pa tur nos cel. Banda di esey, e ta saca e sushi door di nos nier of ora cu nos ta bay af. “E ta hiba nutricion y e ta hiba e sushi bek na caminda cu e mester ta,” Thijsen a bisa. Otro cualidad di awa den nos curpa ta cu e ta yuda regula nos temperatura, principalmente ora di practica deporte.

 

You May Also Like

Pensionado pagamento belasting br (2).jpg

Tur pensionado cu tin entrada ta cay bou Inkomstenbelasting

Tanten cu e pensionado ta ricibi aangiftiging  y e ta registra pa Inkomstenbelasting y ...

Bernardo leyva (NW) (3).jpg

Dos yiu di Bernardo Leyva lo yega Aruba pa conoce nan famia

Hopi hende di Aruba a bay afo den añanan 1920 buscando un miho porvenir. ...

image.jpeg

Sa bo numbernan, hacie custumber pa controla bo presion di sanger

E cifranan di Aruba ta sumamente alarmante, Minister Schwengle tacomenta, un di cada dos (1 op 2) hende homber entre e edadnan di 25 pa 64 aña tin presion halto y un di cada tres (1 ...

trahado ilegal y proteccion social.jpg

Grupo di trahado local sin proteccion social ta halto

E fenomeno di trahadonan sin proteccion social cu no ta registra na Banco di ...

16juniNG Dal y core2.jpg

Auto ta dal y core bay riba Avenida Watty Vos

Diaranson alrededor di 10:30 di mainta riba Avenida Watty Vos chauffeur a baha  caminda ...