Minister Sra. drs. Wyatt Ras, Minister Sra. mr. Croes y directora di Directie Ouderenzaken, Sra. Desiree Helder a haci apertura oficial di e edificio monumental Zoutmanstraat 1.
Historia ta conta cu e prome piedra na Zoutmanstraat 1 a ser poni na aña 1910, construccion a sigui y a finalisa na aña 1911. E edificio aki a fungi como cas di diferente departamento gubernamental. Desde 2024, Zoutmanstraat 1 a bira cas di Departamento di Asuntonan di Adulto Mayor y desde awe ta duna un bon bini oficial na Ban Studia y Education USA bao guia di Sra. Rebecca Nadal y Sra. Sylvienne Valdez. Ban Studia y Education USA ta dos iniciativa di Ministerio di Educacion.
E edificio aki recientemente a keda restaura bao guia di Monumentenbureau pa sigura cu caracteristicanan autentico di e edificio keda preserva y no bay perdi. Actualmente e edificio aki ta un simbolo di e historia di Aruba den cual adultonan mayor y como tambe hobennan por haya guia y sosten.
