This June 9, 2019 photo shows Chieko Asakawa using the airport wayfinding app that she and her team at Carnegie Mellon University to navigate through Pittsburgh International Airside terminal in Imperial, Pa. before boarding a flight to Japan. (AP Photo/Gene J. Puskar/File)

Nabega aeropuerto por ta dificil. Tin zonido fuerte, hopi hende, y no semper nan ta diseña intuitivamente. Nan ta mas dificil ainda pa hende cu vision limita. Chieko Asakawa sa di e dificultad aki, y tambe a bin cu un solucion.

Asakawa ta un fellow na IBM y un profesor na e Instituto di Robotica na universidad Carnegie Mellon. E spring aki, e y otro investigadonan a lansa un app pa aeropuerto internacional di Pittsburgh cu ta duna nabegacion paso-pa-paso den audio pa usuarionan por yega nan destino, sea un gate di salida, restaurant, of baño.

Pittsburgh ta un di un cantidad creciente di aeropuertonan rond mundo cu ta ofrece appnan pa ‘haya bo caminda’. A uza app di Pittsburgh, yama NavCog, pa prome biaha na e campus di Carnegie Mellon, y ta traha como un GPS paden.

“Independencia ta hopi importante”, Asakawa ta bisa. “Tecnologia ta yuda nos ta mas independiente, esaki ta un ehempel. Ainda nos tin hopi reto, pero nos lo sigui traha pa haci bida mas facil.”

Tipicamente, hende cu vision limita ta yega na aeropuerto di Pittsburgh y pidi un escolta, segun Asakawa, pero no tin escolta disponibel te ora e pasaheronan check in. Pues nan mester haya e counter di nan mes.

E escolta ta hiba e pasahero na su gate, y ta bay. Pa Asakawa, si e tabata kier koffie, of si e vuelo ta laat, tabata hopi dificil, y hopi biaha e tabata djis keda pega na e gate.

El a bisa cu mediante NavCog e por cana bay un tienda of busca koffie of djis cana rond. E app ta disponibel y ta gratis pa download. E ta traha mediante puntonan di Bluetooth rond di e aeropuerto pa comunica e ubicacion di e usuario di forma wireless.

Usuarionan ta pone unda nan ta bay; por ehempel, Gate A3. E app ta duna e usuarionan instruccion di audio, manera ‘cana 5 meter y bira links’, y hiba nan unda nan mester bay. E app ta laga e usuario sa ki tienda nan a pasa banda di dje, dunando nan un miho sentido di kico tin rond di nan, y ki opcion tin pa compras.

E ta depende di un mapa di e terminal cu tin anotacion di e ubicacion di baño, restaurant, entrada y salida, gate, y counter di ticket.

 

LEAVE A REPLY

Please enter your comment!
Please enter your name here