Apple Inc a bisa riba dialuna cu nan a cuminsa un lansamento di etiketanan nobo tocante e practica di privacidad di e aplicacionnan pa e usuarionan mira nan prome cu descarga esaki riba su App Store.
Apple a anuncia e etiketanan, cu ta busca transmiti rapidamente informacion tocante varios categorianan di recopilacion di datonan y nan ta parce un poco mas na e etiketanan nutricional di e productonan alimenticio, riba un conferencia di desaroyonan riba junio. A cuminsa exigi e desaroyonan cu ta proporciona informacion pa e etiketanan di e siman pasa manera parti di e proceso di revision pa lansa of actualisa e aplicacionnan.
E etiketanan lo wordo introduci cu tempo na medida di e desaroyadonan manda nan aplicacionnan pa su aprobacion na Apple y e usuarionan lo mira esaki prome cu descarga of actualisa un aplicacion. Apple ta exigi in divulgacion di ki ora e aplicacion ta recopila datonan pa loke nan ta considera siguimento di e usuarionan den aplicacionnan of sitio web no relaciona.
E desaroyadonan por ofrece splicacionnan pa e recopilacion di datonan, pero e usuarionan mester haci click den dos conhunto di enlace pa wak e splicacion. E desaroyadonan ta responsabel di e precision di e informacion, pero Apple a bisa cu e cumplimento lo wordo verifica durante e proceso di revision di e aplicacion, durante auditorianan y den respuesta na e kehonan
E etiketanan ta parto di un conhunto mas amplio di cambionan cu Apple a implementa e aña aki pa introduci mas notificacionnan y rekisitonan di permisonan pa e recopilacion di datonan den su dispositivo.
Un rekisito pa e notificacionnan nobo na e usuarionan prome di cualkier uzo di un identificando di publicidad digital a provoca un protesta di empresanan manera Facebook Inc. Hopi anunciantenan digital a bisa cu e usuarionan probablemente lo rechasa e recopilacion di nan datonan debi na e regla nobo di notificacion.
A estableci cu e regla lo drenta vigor e aña aki, pero Apple a bisa cu lo retrasa e implantacion te cu principionan di 2021 pa duna e desaroyonan mas tempo pa realisa e cambionan di nan aplicacion.
