(AP) – Riba dialuna Apple a duna un preview di cambionan binidero na e programacion cu ta usa pa mas di 1 biyon iPhone y a revela dos laptop nobo cu lo ta e prome disponibel cu e siguiente generacion di un microprocesor diseña pa e compania.

Manera ta custumber, Apple a pasa mayoria di e dia di apertura di su conferencia annual dunando preview di e siguiente version di e programacion pa iPhone, iPad, Apple Watch y computer Mac na luga di e dispositivonan cu a establece e compania como un lider den moda y e compania mas valioso mundialmente.

iPhone su siguiente sistema, yama iOS16 lo mehora e dispositivo su ‘lock screen’ y haci algun mehoracion menor na e programacion actual. E programacion su actualisacionnan a bira cada biaha mas importante den añanan recien, mirando cu doñonan di e dispositivonan mester haci uso di esaki pa periodo di tempo mas largo compara cu antes.

Un di iOS 16 su diferencia mas notabel lo ta riba e ‘lock screen.’ E programacion nobo, cual lo ser lansa proximamente como un descarga gratis, lo permiti e usuarionan pone nan aplicacionnan faborito parti di e lockscreen.

Ademas di esaki, e actualisacion lo permiti e lock screen duna notifiacionnan live, manera e status di un chauffeur di aplicacionnan manera Uber. Otro notificacionnan lo bini for di abao di e ‘lock screen’ na luga di ariba manera e ta actualmente, como parti di un intento pa haci e notificacionnan mustra mas nechi.

E sistema di mensahe di iPhone tambe lo haya un actualisacion, unda cu e persona por edita e mensahe hasta despues cu esaki a ser manda, of elimina e mensahe por completo. E opcionnan aki ta disponibel solamente si ambos usuario ta usando iPhone.

Varios di e funcionnan nobo pa Apple Mac y Apple iPad lo ta pa haci sincronisacion entre dispositivonan mas facil. Otro hermentnan lo tin e meta di permiti mas aplicacoin traha conhuntamente cu otro pa por haci varios tarea riba e mesun pantaya.

Yuda persona move di un dispotivo pa otro ta un di e rason principal dicon e compania a cuminsa traha Mac cu ta traha riba e mesun tipo di chip cu ta duna funcion na iPhone y iPad den aña 2020.

Awo, Apple lo pone e siguiente generacion di su chip Mac den dos di e laptopnan mas popular, e MacBook Air y MacBook Pro, cual e compania a bisa lo ta disponibel den tiendanan durante e proximo luna. E MacBook Air lo tin un prijs di 1,200 dollar y MacBook Pro lo bende cu 1,300 dollar.