Secretarionan general di distinto gremio, cu a convoca un welga y mobilisacion pa awe, a considera cu lo ta un protesta di ‘impacto halto’ y cu nan ta espera e lo ta ‘un hito’, den e reclamo di e sector obrero pa Gobierno nacional contra e ‘ahuste’ y ‘tarifazo’nan.
Asina Pablo Moyano, di banda di Trucknan; Sergio Palazzo, di banda Bancario; y Omar Plaini, di sindicato di Canillitas, kendenan ta integra e Frente Sindical pa e Modelo Nacional (Fresimona), y cu hunto cu e dos CTA, a convoca e medida di forsa.
E mobilisacion na Buenos Aires ta convoca pa e Plasa di Mayo. E dirigentenan sindical principal lo hiba palabra, maske ainda no a defini un lista di orador.
E secretario general di Asociacion Bancario, Sergio Palazzo, a sigura cu ‘ta bay ta un medida cu participacion y impacto halto. Ta un decision politico cu nos a tuma despues di e reclamo cu nos a haci pa e conseho directivo di CGT di convoca un welga of por lo menos un discusion pa establece un plan di lucha.”.
Di su parti, e secretario adhunto di Trucknan, Pablo Moyano, a anticipa cu ‘lo bay ta un welga hopi importante, y mas aya cu algun gremio no ta di acuerdo, su trahadonan lo bay apoya’.
Di biaha, Plaini a resalta cu ‘esaki ta di cinco welga general contra Gobierno’, cual a husga cu no ta poco, y el a splica cu e orario a ser adelanta ‘pa motibo cu e dia ey ta cumpli 42 aniversario di e prome marcha di Mama di Plasa di Mayo’.
