(Infobae) – Despues cu yegada di variante Omicron di coronavirus a keda conoci, Axel Kicillof y Nicolas Kreplak a anuncia cu for di 21 di december na provincia di Buenos Aires personanan mayor di 13 aña lo mester presenta “Pase Libre di Vacuna” pa asisti na eventonan masivo, pero tambe pa realisa actividadnan cultural, deportivo, religioso y recreativo.

E mesun obligacion ta aplica pa tramitenan publico na organismonan di e provincia y gubernamental y pa eventonan priva na luganan cera. Igualmente, trahadonan cu ta realisa atencion pa publico, na entidadnan publico of priva, tambe tin cu tuma na cuenta e medida aki.

“E experiencianan aki ta sigui na otro paisnan: Francia, Italia, Israel, ciudad di New York, Suisa, Alemania, Portugal, Spaña y na Argentina a tuma medidanan similar na Tucuman y Salta” Kicillof a splica.

Segun e gobernador a detaya, e pase sanitario aki lo por presenta cu e aplicacion Vacunate PBA, Mi Argentina, carchi fisico y buki sanitario.

Prome cu e anuncio, e mandatario a haci enfasis riba e importancia di vacunacion: “Esaki a demostra cu esun cu tin e vacuna ta menos contagioso y cu tin menos probabilidad di haya e virus aki di forma mas grave y fayece. Cifranan ta papia cu esun cu no ta vacuna tin 14 biaha mas posibilidad di keda interna. Loke nos tin cu logra, haciendo un esfuerso grandi, awe cu nos tin e vacuna, nos tin cu logra conscientisa y acompaña e proceso di vacunacion pa e ta universal”.

Minister di Salud a informa cu den ultimo siman e casonan a aumenta cu 33% y cu tin un promedio semanal di 746 caso. Sinembargo, el a aclaria cu ta hopi leu di e peak di e segundo ola, na unda nan tabatin 12.008 caso den promedio pa siman.

 

LEAVE A REPLY

Please enter your comment!
Please enter your name here