E actor a wordo agredi durante un presentacion publico na Sur Africa, pero Schwarzenegger, di 71 aña, a recupera lihe y a bisa cu e ta contento cu e ‘idiota’ no a interumpi su ‘Snapchat’.
Den e video, ta mustra ora cu ex-gobernador di California ta para y filma mucha na un evento Deportivo na Johanesburg, ora cu un homber a dal un scop na su lomba. E actor ta trompica dilanti. E homber di biaha a wordo gara pa siguridad. Pafo di camara, un homber ta grita ‘yuda ami’.
Despues den e video ta mustra Schwarzenegger ta hari y duna man na persona, pero el a wordo rondona pa siguridad. E actor a publica riba rednan social cu e ta duna danki na esunnan cu a mustra preocupacion, pero no ta nada grave. El a pensa cu tabata hende a push’e, despues el a wak e video di kico a pasa.
E evento cu e actor a atende yama ‘Arnold Classic Africa’, e ta presenta decenas di deporte y actividad fisico. E organisado, Wayne Price, a culpa un ‘fan loco’ via medio social. E declaracion a bisa cu e agresor ta un conoci di polis pa ocasiona incidentenan den pasado.
E actor a confirma cu no tin ningun intencion pa presenta cargo contra e homber, y lo continua cu su siguiente aparicion na evento, segun comunicado.
