Diadomingo pasa 1’or di marduga autoridad a keda informa cu den area di Ranchostraat pa Avenida Alo Tromp tin hobennan canando den gang y un di nan ta arma.
Na momento cu patruya di Oranjestad y Arrestatie Team a presenta na e sitio, e hobennan a cuminsa core y a bay sconde den un cas den cercania. E polisnan a drenta accion y gara 6 persona. A pone tur hende na vloer pa asina listra y wak kico nan tin den nan posesion. A topa cu cosnan di menos importancia pero si cu un sker cu lo por wordo uza manera arma blanco. Na final a bin haya e arma pero a constata di biaha cu ta esunnan di aire.
Polis a hala nan atencion debidamente di e hobennan aki pero ora a laganan bay, nan a haya poco boca y tira palabra den direccion di Polis . Polis a core cu nan y nan tur a move direccion Ranchostraat.
