Diasabra y diadomingo a tuma luga e ultimo dos paradanan di temporada di Carnaval, esta e Parada Grandi na San Nicolas y Oranjestad, unda Aruba a despedi di e evento cultural mas grandi di nos isla cu paradanan cu ambiente fuerte.
E paradanan a mira participacion di gruponan conoci, manera TOB, Los Laga Bai y Champagne, entre otro, pero e biaha aki cu atencion special riba algun personanan cu a gara amor di pueblo.
Entre esakinan tabata obviamente Lord Lally cu su mega hit ‘The Lizard Kackin’, cual no a keda afo durante e paradanan. Na cada skina por a tende e melodia di e cancion pegahoso aki, cual sigur a aumenta ambiente aun mas ora bandanan a tok’e. Lord Lally mes a haci su presentacion de bes en cuando, parando banda di caminda pa tuma potret cu su tanto fanaticonan.
Temporada di Carnaval tabata un bes mas un exito completo, treciendo un bunita fin na e ultimo aña di presidente di SMAC, Darren van Ommeren. Cu bista riba un etapa nobo di SMAC, pueblo caba ta anticipando Carnaval 73!
