Aruba Airlines ta anuncia den un relato e regreso di su vuelonan ARUBA – CURACAO – ARUBA cuminsando 23 di oktober. E aerolinea lo opera 2 vuelo diario cu exepcion di diamars y diahuebs cu lo tin vuelo nan adicional den ora nan di merdia.
Aruba Airlines lo ta operando cu un Avion tipo Q300 (DH8-300) nobo cu asientonan di cuero y e body parti pafo lo ta full na color nan di Aruba Airlines meskos cu e Airbus A-320. E avion aki tin un capacidad di 50 asiento completamente clase economico.
Adicionalmente e aerolinea a informa cu den futuro lo bin cu vuelonan entre Aruba y Boneiro.
Pa mas informashon of reservacion entrante awe caba por jama libremente na 5838300 of pasa personalmente na Cumana # 69 (ex codemsa building ) como tambe na e aerolinea su oficina na aeropuerto.
Orario di oficina na Cumana ta di dialuna pa diabierna 08:00 AM – 17:00 PM y e oficina na aeropuerto ta habri tur dia incluiendo fin di siman di 08:00 AM – 17:00 PM.
