Ayera mediante un comunicado di prensa, Aruba Aiport Authority a informa cu como medida di precaucion, a activa un respuesta di emergencia completo ayera tardi pa vuelo di American Airlines, AA2525, despues cu esaki a reporta un problema cu su motor.
AAA a informa cu afortunadamente, e avion a aterisa sin ningun incidente, y cu tur pasahero abordo como tambe e tripulacion ta safe. Servicionan di emergencia tabata cla y prepara cu procedura standard di seguridad, pero tiki despues di aterisahe a determina cu nan servicio no tabata necesario mas.
“Aruba Airport Authority ta gradici tur partner di emergencia pa nan coordinacion rapido, y e pasaheronan pa nan cooperacion,” AAA a bisa den e comunicado.
