Aruba Airport Authority N.V. (AAA) ta anuncia comienso di Jonny Andersen como Chief Executive Officer nobo, entrante januari 2026, despues di su nombramento door di Gobierno di Aruba.
Johnny Andersen ta trece cune mas cu 20 aña di experiencia di liderazgo di aeropuerto internacional, despues di a ocupa funcionnan ehecutivo halto den varios organisacion di aeropuerto na Europa, Africa y Caribe. Andersen ta reconoci pa su enfoke fuerte riba excelencia operacional, disciplina financiero, sostenibilidad y compromiso di stakeholder y ta uni su mes na AAA na un momento importante den e desaroyo di e aeropuerto.
Den su funcion di CEO, Johnny Andersen lo dirigi Aruba Airport Authority den su siguiente fase, cu un enfoke riba operacionnan sigur, confiabel y rindimento halto, mientras ta impulsa e prioridadnan strategico di e aeropuerto a largo plaso, incluyendo e implementacion continuo di e programa di transformacion di Gateway 2030.
Johnny Andersen riba su comienso a expresa cu: “Mi ta honra di por a join Aruba Airport Authority y di por traha cu un team asina comprometi y profesional. Mi prioridad den e prome simannan ta pa tende, siña y haya un comprondemento profundo di e organisacion y su hendenan. Aeropuerto di Aruba fundamental pa e isla. Pa logra un aeropuerto solido, ta rekeri un enfoke structura y pensativo, mientras ta sigui opera tur dia.
Pa mi, e ta fundamental pa ta accesibel, enfoca y plenamente comprometi cu nos teamnan y socionan. Hunto, nos lo sigui fortalece e rol di aeropuerto como un gateway confiabel y prepara pa e futuro di Aruba.”
Aruba Airport Authority ta ansioso pa e siguiente capitulo aki bao di e liderazgo di Johnny Andersen, mientras e organisacion ta sigui engrandece e rol di Aeropuerto Internacional Reina Beatrix den sostene conectividad, economia y desaroyo di Aruba a largo plaso.
Tocante Aeropuerto di Aruba
AUA Airport ta un di e aeropuertonan mas ocupa den region Caribe, cu mas di 24 diferente aerolinea operando na Aruba contribuyendo na mas cu 3.2 miyon pasahero pa aña y brindando servicio aereo na 31 pais y 45 destinacion non-stop rond mundo. Di e mercadonan cu AUA Airport ta brinda servicio na dje, 73% ta di Merca y Canada, 18% ta di Latino America, 4% ta di Europa y 5% ta di Caribe Hulandes. AUA Airport ta reconoce cu esaki ta danki na un economia stabiel, clima politico, hospitalidad, populacion diversifica y siguridad general di nos isla. AUA Airport su aspiracion ta pa converti den un di e aeropuertonan mas sostenibel, sigur y prepara pa futuro den e region di Latino America y Caribe, brindando un espacio laboral confiabel, cu e instalacionnan moderno y ademas cu un excelente servicio n’e cliente p’asina por refleha e hospitalidad di Aruba, contribuyendo na un futuro prospero pa Aruba.
Haya sa mas di loke ta sucede na AUA Airport door di bishita www.airportaruba.com y conecta cu AUA Airport riba Twitter.com/Aruba_Airport, Facebook.com/ArubaAirport, Instagram.com/arubaairport, TikTok.com/@arubaairport y Linkedin.com/ArubaAirport.
