Aruba Astro Research Int.:
 Boletin special di re-entrada di obheto for di espacio

Diabierna dia 31 di october, Bon Dia Aruba a publica un relato unda a reporta cu varios ciudadano a tuma nota di luznan den shelo pasando bay. E sucedido aki a causa hopi pa specula kico e luznan aki por ta. Aruba Astro Research Int. ta confirma oficialmente cu esaki tabata relaciona cu e re-entrasa di e resto di raket Chines CZ-7A Y14 cu a drenta atmosfera y kima, y su trayectorio a inicia for di den Oceano Pacifico sigui pa centro Merca, Caribe y termina riba Africa.

Aruba Astro Research Int. y centro di observacion ATSOC ta confirma cu e evento di re-entrada di e evento aki den prome instante no ta un evento natural cu no ta un cometa, meteoro, meteoroid, fireball of asteriod.

E tabata oficialmente un evento di un re-entrada di un satelite, restonan di raket of otro materialnan for di den espacio.

E CZ-7A Y14 Rocket Body di China ta loke a drenta y kima den espacio di Caribe diahuebs dia 30 di october 2025 na unda Aruba, Corsou y Boneiro como tambe tur islanan Caribense. Tambe na Peninsula di Paraguana a observa e resto di e raket Chines y drenta kima den atmosfera di e region di Caribe como tambe den Oceano Atlantico.E re-entrada den Caribe te cu Oceano Atlantico tabata for di direccion pabou bay pa pariba. Nos por tuma nota di e raket Chines cu su trayectoria tabata perfecto pa cu su re-entrada den e region di Caribe y Oceano Atlantico.

Na Aruba ta Aruba Astro Research Int. ta e instancia oficial y Sr.Marcos Bislip ta e experto y e persona specialisa den e tereno aki y ta responsabel pa cu esaki y ta traha cu e team internacional pa cual ta consulta tambe mas a leu cu expertonan grandi den exterior.

Aruba Astro Research Int. y centro di observacion ATSOC y bou direccion di Sr. Marcos Bislip a graba e video via un camara instala Aruba Sky 1 e dos camaranan infrared y night vision lo ser instala pronto. Aruba Astro Research Int. y centro di observacion ATSOC a traha for di momento cu e evento a tuma lugar te mainta dia 3 di november 2025 y a logra bin haya sa kico ta e resto di e material cu a haci su re-entrada den atmosfera y shelo di Caribe y Oceano Atlantico.

P’esey pa cualkier evento cu por pasa por tuma contacto cu Aruba Astro Research Int. e instancia y autoridad pa cu e tereno di astronomia aki na Aruba y e centro di observacion ATSOC por contact Marcos Bislip na 562-9407 of email na arubaastroresearch@gmail.com of bislipm@gmail.com