2017-11-15 00:00:00 DEN HAAG - Staatssecretaris Raymond Knops tijdens de behandeling van de begroting van Binnenlandse Zaken en Koninkrijksrelaties in de Tweede Kamer. ANP BART MAAT

E decision di Gobierno di Aruba pa presta te cu 400 miyon ta algo cu incomprendibel pa Secretario di Estado Raymond Knops. Knops a manda un declaracion ayera merdia cu un declaracion fuerte.

“Despues di mi conferencia di prensa digital di (diahuebs) merdia, a sali den medionan cu Aruba ta bay fia pisa riba mercado di capital local, esta maximo 400 miyon florin. Mi ta haya esey hopi remarcabel, pasobra e prestamo – cu duracion di 7 aña – ta bay acompaña cu un porcentahe di interes fiho di 5,3 porciento. Esaki, mientras cu tanten no ta paga nada bek.”

Esaki ta nifica cu Aruba ta pone un carga di 21 miyon florin na interes anual riba lomba di su poblacion, “algo cu absolutamente mi no ta compronde,” Knops a bisa. “Pasobra con bo ta splica ciudadanonan di Aruba cu den e tempo di coronacrisis aki, cada ciudadano, e proximo 7 añanan, ta perde casi 1,400 florin.”

 

Banda di esey, e debe di estado ta aumenta te na mas cu 5 biyon florin of un cuota di debe di Producto Bruto Nacional di 127%. Raymond Knops ademas ta puntra su mes e ora ey “como pais, bo kier ta entre e top dies paisnan cu debe estatal mas halto? Bo kier compromete e futuro generacion di e forma aki cu e problema? Anteriormente mi a lesa cu Prome Minister Wever-Croes a indica cu, no obstante tur dificultad na Aruba y den mundo, mester keda mantene confiansa cu Aruba lo sali mas fuerte for di e crisis aki. Mi ta di opinion cu esaki no ta e manera corecto pa sali mas fuerte for di e crisis aki. Aruba lo a haci mihor si nan lo a papia cu  nos en bes di papia tocante di nos den publico,” tabata e comentario di Raymond Knops.

 

LEAVE A REPLY

Please enter your comment!
Please enter your name here