(Curacao.nu) – Dialuna mainta na Oranjestad, a firma un acuerdo di cooperacion entre Aruba, Bonaire, y Corsou dirigi riba desaroyo y promocion conhunto di idioma Papiamento. E acuerdo ta marca un paso importante den agrupacion di conocemento y recursonan riba tereno di educacion, desaroyo di idioma y profesionalisacion di maestro.
E Minister di Enseñansa a firma den nomber di Aruba; comisario Nina den Heyer na nomber di Boneiro; y e minister di Enseñansa, Ciencia, Cultura y Deporte na nomber di Corsou. Cu e firmamento aki, e partidonan ta subraya e importancia di Papiamento como un factor unificador entre e tres islanan, a pesar di e diferencianan den ortografia y funcion di idioma riba cada isla.
E acuerdo ta percura pa colaboracion den areanan manera material di enseñansa, traduccion, examen, y formacion di maestro. Un grupo di trabou conhunto lo desaroya un programa di trabou dentro di algun luna.
