Nos ta tende hopi bes cu Aruba ta un pais bendiciona. En berdad nos beachnan renombra rond mundo, e clima tropical y nos ubicacion pafo di belt di horcan ta bendicionnan inmenso. Pero pa hopi e delaster añanan e lema di “One Happy Island”, no ta cuadra mas cu e realidad cu mayoria habitante di nos Isla ta sinti.
Door di ambos factor internacional manera accionnan di Banconan Central grandi despues di e pandemia di COVID-19, y e BBO na frontera, a causa cu inflacion internacional y principalmente local a explota den un manera bastante severo. Debi na esaki hopi riba nos pais a cuminsa experiencia un peliger den locual ta “bestaanszekerheid”, esta un entrada pa biba un bida relativamente digno.
Esaki no tin cu ta e caso, mescos cu na hopi pais rond mundo e no ta cu e grandura di e economia den so totalidad ta chikito, pero esta e particion “di e bolo” ta full scheef. Aunke nos no tin data detaya di esaki na e miho di mi conocemento, nos wak por ehempel e GINI-Coefficient den varios pais a deteriora hopi e delaster decadanan. Un buskeda usando Gemini AI di Google ta indica cu Aruba su GINI-Coefficient ta 0.8, esaki ta un nivel alarmantemente den e nivel di “Welvaarts Ongelijkheid” (desigualdad den bienestar). E ta indica cu e si nos usa e analogia di un bolo, cu e particion di e bolo aki ta masha scheef mes, unda e top ta bay cu un parti (demasiado) grandi di e bolo.
Esaki no ta un estadistica sin su consecuencianan profundo. Nos sa como hecho cu paisnan cu desigualdad halto, tin mas problemanan den casi tur parti di nan sociedad, for di criminalidad di desesperacion, pa salud mental, salud en general, educacion, y te hasta e funcionamento di e aparato politico op den duur ta keda afecta. Esaki siguramente no ta un estadistica unda e lema “One Happy Island” por biba bou mayoria di e pueblo, na e momento aki e ta mas “One Happy Island for the Happy Few”.
Door di e hecho aki nos mester cuminsa pensa hopi duro como ciudadano, pero tambe tur stakeholders grandi con nos por langzaam maar zeker zorg pa e particion di e bolo ta mas husto socialmente.
Den contexto aki extra taxatie riba Capital, AirBnB real estate, Condominio y Hotel ta siguramente na su lugar. E entrada cu esaki lo genera por forma e base financiero pa loke mi ta yama e “Aruba Freedom Dividend”, esta un suma cu lo wordo distribui na full e poblacion adulto di e isla den un manera di “Universal Basic Income”.
Awo mi ta tende via via cu Minister di Finanzas semper ta haya mi ideanan radical, pero si nos wak Alaska como ehempel unda e parti di entrada di industria di petroleo a wordo usa pa paga e ciudadanonan di e provincia Americano un dividend tur aña. Mesun cos na Aruba, por usa e taxatie extra di sector turistico pa forma un fondo den mesun manera cu Alaska y asina duna tur adulto na Aruba un “Freedom Dividend”.
Awo AHATA lo ta contra esaki, pero nan tin cu wak e bigger picture ambos den forma directo di nan negoshi, esta mas contento e ciudadanonan na Aruba ta, mas miho e lo ta pa turismo riba plaso largo. Pero tambe principalmente den nan responsabilidad social pa cu e pais unda nan ta opera y literalmente gana biyones. Den ambos area di mehora Aruba como producto turistico atractivo, safe di criminalidad y un sociedad bunita y no sushi cu mini-dump tur caminda. Principalmente tambe den banda di Empresaria Socialmente Consciente, mester cuminsa wak nan mes honesto den spiel y ta prepara pa paga nan “Fair Share” na nos Isla.
Aruba y su habitantenan merece esaki.
