Aruba Gateway: E plataforma nobo di e-commerce na Aruba

Durante e evento di E-Aruba Business Seminar cu a tuma luga riba diasabra ultimo, a presenta e beta version di e  plataforma online, Aruba Gateway. E plataforma aki a wordo diseña pa crea un “one stop shop” pa tur e servicionan di negoshi cu ta wordo ofreci na Aruba, p.e. accounting, tax, law, design y marketing services.

Aruba ta un di e lidernan den Caribe den loke ta toca turismo y consultanan di negoshi. Pa es motibo aki, Aruba tin e oportunidad di ofrece su rikesa di experiencia y conocemento full rond di mundo. Aruba Gateway kier yuda negoshinan local y international pa mehora y crece nan business door di link nan cu nos profesionalnan aki na Aruba. Esaki no solamente lo yuda nos profesionalnan local pero tambe por contribui na e creacion di un di tres pilar economico na Aruba cual ta e “knowledge economy”.

E meta riba termino largo ta pa haci Aruba Gateway un hub pa loke ta trata licensing di diferente producto innovativo y sostenibel cu ta wordo fabrica den pais nan mas desaroya. Pais nan manera USA, Europa, Israel y Yapon tin hopi negoshi mediano y chikito cu a desaroya productonan innovativo pero ainda no a haya un aceptacion grandi den Caribe y Latino America. Esaki ta netamente e oportunidad cu nos na Aruba por enfoca riba dje door cu nos tin e bentaha di ta multi-lingual, multi-cultural, nos localidad geographico y nos enfoke pa bira un showcase pa tecnologianan berde.

Riba termino corto Aruba Gateway kier traha hunto cu tur e negoshinan grandi y chikito na Aruba pa yuda nan bira “export ready”. Aruba Gateway ta ofrece negoshinan local e guia pa mehora nan negoshi y tambe ta ofrece servicio di web development, e-commerce, social media, online chat, online advertising y marketing. Aruba Gateway ta ofrece e oportunidad pa tur hende cu kier traha nan mesun (e-commerce) website por haci esaki facilmente. Simplementebaiaribawww.arubagateway.com/start y scoge un di e formatonan cu bo gusta mas; edit esaki na bo gusto y publish e online. Bo website of e-shop por ta online den menos cu 5 minuut.

Pa e prome 100 cliente cu sign up tin un deal special na cual e prome aña e website builder aki ta completamente gratis ora di uza e coupon code “100%OFF” riba e checkout page. Ideanan cu por wordo traha pa Aruba cual ta inclui e-commerce ta, p.e. online music store, online grocery store, online pharmacy, online consultancy, online reservations pa apartamento y asina tin hopi mas.

Pa mas informacion por tuma contact cu nos via nos websitewww.arubagateway.com of manda un e-mail pa  info@arubagateway.com

You May Also Like

image.jpeg

Atletanan di Nacra 17, net pafor di e competencia final pa medaya

Nicole van der Velden y Thijs Visser tabata un di e duonan di mas ...

24Mrt, JO AruParking.jpg

Declaracion di Aruparking relaciona cu video controversial

Riba dia 20 di Maart, un video a cuminsa circula riba rednan social caminda ...

Hende muhe pronto lo por drenta milicia Arubano

‘E simpel echo cu mi a asumi e posicion aki den pais Aruba ta ...

Dowers: “Bo ta drenta y sali di prizon a base di ley”

Minister di Husticia Arthur Dowers a tuma un rato ayera durante su conferencia di ...

20Aug NP Green Education.jpg

Enfoca pa trece mas educacion green den scolnan

Casi tur caminda por tende algo di ‘green’ ta wordo menciona. Hopi biaha entre ...

Partidonan sin representacion den parlamento a consulta cu gobernador

Ayera tabata turno pa partidonan chikito cu no a haya representacion den parlamento den ...