E evento aki tabata completamente sold out y a tuma luga den e precioso Boulevard Events Aruba na SChotlandstraat #45.
Despues cu durante hopi aña Aruba Heart Foundation a celebra varios “World Heart Day”, a participa y tene varios Health Drives, organisando diferente Simposio y Red Events. E aña aki a dicidi di bin cu e Simposio “Bo Curason Den Tempo di Covid”.
Durante e Simposio aki Drs. M. Cobos a papia riba “E curason Inflama”, mientras cu Drs. Q. Koff riba “E Curason y Covid”.
Despues di varios pregunta y contestanan, a sigui un coffee break y Drs. R. Rellum a elabora riba “malesanna reumatico y e curason”, mientras Drs. R. Locl a discuti tocante e tema “malesnana di rinon y e Curason”.
Siguientemente tabatin otro momento pa pregunta y contestanan mientras tur presente a haya un “healthy lunch box”, prepara pa Healthy Way Aruba. Drs. Q. Koff a sigui cu e topico “Vacuna y e Curason. Pa clausura Sr. G. Rodriguez a toca e tema “Estilo di Bida y Prevencion.”
Tabata un programa sumamente interesante y Aruba Heart Foundation pa medio di e relato di prensa aki, kier a gradici un biaha mas e compania Servier, pa nan cooperacion y Benu Caribbean pa a regala 2 premio n e evento aki.
Na tur cu a atende, Masha Danki!
