Aruba ricibi 352 barco y mas di 700 mil turista crucero na 2017

Aruba Ports Authority a ricibi durante 2017  un total 352 barco y 792.403 turista crucero y cu a yega waf di Aruba. Aruba Ports Authority surpasa e cantidad di bishitantenan crucero ricibi compara 2016 y añanan anterior. Esaki ta segun e relato cu nos a ricibi.

Esaki ta un 17% mas cu e cifra di 2016 cual tabata 656.043. Por mira tambe cu e cantidad di barconan cu a yega Aruba den 2017 a crece un poco mas compara cu 2016 ora cu a ricibi 307 barco. Maske tin cu remarca cu barconan ta birando hopi mas grandi cu antes pero cu hopi mas turista crucero abordo.

Na luna di december APA hunto cu su partnernan a celebra e hecho cu a ricibi e di 700 mil turista crucero, cual ta prome biaha cu ta logra e hecho aki. Manera indica lo sigui traha pa mantene e milestone aki den 2018 tambe.

Den luna di december cinco (5) barco di Royal Caribbean a yega haf di Aruba treciendo mas cu 16 mil turista den un solo luna. E siguiente partner importante tabata e barco nan Princes Cruises cu un poco mas di 10 mil turista y Celebrity cu rond di 9 mil, pa loke ta luna di december. Y sin lubida riba Carnival Cruises cu durante henter e aña a bini cu casi 50 barco crucero.

E luna cu mas turista crucero e barconan a trece den haf di Aruba tabata november, ora cu a ricibi 104.242 bishitante. E otro luna mas druk tabata maart cu 99.769 bishitante crucero abordo di e 41 barconan crucero cu a yega Aruba.

2018
E proyeccionnan pa 2018 ta mustra cu e esfuersonan haci pa APA, ATA, ministerio di Turismo y demas partnernan lo sigui duna resultado, cu aumento den e cantidad di bishitantenan cu lo yega den e 332 barconan cu lo mara den haf di Aruba. y surpasando unabes mas e cantidad di 700.000 turista crucero.

Gerencia di APA ta hopi entusiasma cu resultado di e esfuersonan grandi cu a bin ta wordo haci pa atrae mas turista crucero pa Aruba. Den cuadro di esaki ta trahando duro pa finalisa cu e proyecto di embeyecemento di e cara di Aruba, cu ta e haf crucero na Playa.

You May Also Like

Aduana Aruba: ‘Advertencia importante pa importado di klapchi’

“Tur comerciante y importado di klapchi mester manda tur e papelnan pa nan broker, ...

restriccion cacho peligroso 2.jpg

“Racismo den ser humano ta mesun malo cu racismo den animalnan”

Un tipo di restriccion of prohibicion  pa atende cu e problematica di e cachonan ...

Lady Ruth su ‘One Woman Show’ lo recauda fondo pa FHMD

Ruthy Vrieswijk-Bergen miho conoci como e poeta ‘Lady Ruth’ ta bay cumpli 44 aña ...

Tuyo trahado special.jpg

Hendenan special ta un di e miho trahadonan cu tin

Durante 28 aña sr. Arturo “Tuyo” Werleman a traha como director di Fundacion Pa ...

Welga di personal inmigracion menasando aeropuerto

Un accion di empleadonan di departamento di inmigracion conoci como IASA  lo ta na ...