Seleccionnan nacional di Aruba ta participa den e torneo grandi di CONCACAF pa paisnan den Noord, Central di America y Caribe.
E seleccion di mucha homber bou 15 aña a cay vence finalmente contra Grenada despues di gana 2 di e 4 wega total den e torneo. E final tabata entre Mexico y US, cual e team di Mexico a gana cu 2-0. E torneo aki a tuma luga na Florida.
Ayera e seleccion di futbol femenino U-17 a sali pa St. Lucia pa CONCACAF Women’s U-17 Championship Qualification. Teamnan di 13 pais di Caribe lo participa. E prome wega pa nan lo ta riba diamars contra Antigua y Barbuda. Aruba ta den e grupo C hunto cu Bermuda, St. Lucia y Antigua y Barbuda. Diahuebs nan ta hunga contra St. Lucia y diasabra contra Bermuda.
