Autoridadnan a ricibi resultado di testnan cu a wordo manda Hulanda y esakinan a confirma cu 5 di e casonan di Covid tin e variante di e virus identifica pa prome biaha na Reino Uni.

Ta trata di 2 persona no-residente y 3 persona residente, segun un comunicado di gobierno.

E variante di Inglatera ta dos biaha mas contagioso cu esun original y p’esey autoridadnan ta haci un apelacion riba comunidad pa ta extra cauteloso.

Den e siguiente dianan lo evalua medidanan aplicable pa e situacion aki.

Desde awor, ta conseha pa limita bishita na famianan. Limita encuentronan social. Limita contacto cu otronan, tanto na trabou como pafo di trabou.

“Nos ta bringando un virus invicible, y mes momento hopi serio. Sinembargo e arma pa combati e virus aki ta den man di nos cada un. Cuida bo mes y cuida bo famia”, gobierno a expresa.