“Mane David a bati Goliath.” Esaki ta entre otro e comentarionan riba e victoria di Aruba riba Puerto Rico cu 4-3.
E wega a wordo hunga na St. Croix, US Virgin Islands, unda e Caribbean Regional Tournament den cuadro di e World Series pa Little League Baseball ta tumando luga.
Mañan Aruba lo hunga contra St. Croix y diahuebs contra Santo Domingo.
Nos team ta hungando den pool B, un grupo mas dificil compara cu pool A unda e teamnan di Boneiro, Corsou y St. Thomas mester competi contra otro.
22 di juli e final lo tuma luga. Pe schedule completo y resultadonan, check e website aki.
