Arubalening Portal ta digitalisa servicio di Arubalening

Den cuadro di mehoracion di servicio na studiante den e proceso di preparacion y aplicacion pa un prestamo pa financiamento di estudio, Minister di Enseñansa, Michelle Hooyboer-Winklaar, hunto cu Departamento di Enseñansa Aruba ta introduci Arubalening Portal.

 E Arubalening Portal lo sirbi como un “tool” pa medio di cua studiantenan por haya acceso 24/7 na e “front office” di seccion Studiefaciliteiten, e seccion cu ta encarga cu administracion y servicio di Arubalening.

Gobierno di Aruba ta brinda un prestamo pa financia estudio(Arubalening) na studiante pa asina facilita nan den nan gasto di estudio pa nan por logra obtene un educacion di calidad.

Na studiantenan cu kier haci un estudio na nivel di middelbaar beroepsonderwijs of hogeronderwijs na Aruba ta brinda e productonan Arubalening EPI, UA, IPA y Master. Na studiantenan cu kier haci un estudio den exterior ta brinda Arubalening AL, USA/CAN, NL y Master. Desde aña 2015 ta trahando na optimalisa e proceduranan pa dicho prestamo y a bin ta introduci asina diferente cambio pa locual ta trata Arubalening. Entre otro a introduci e componentenan “Startpakket” pa facilita gastonan inicial di estudio y “Termijnuitbetaling” cu ta pa facilita den e gastonan durante e trayectorio di estudio.

Mas recien, na 2016, a dedica mas atencion na henter proceso di aplicacion. E focus tabata pa simplifica e proceso y ofrece e studiante un miho servicio cu na mes momento mester conduci tambe na mas eficiencia dentro di e seccion encarga cu e administracion.

Fondonan disponibel a traves di “Stimuleringsfonds” a haci posibel pa cuminsa cu un proyecto pa implementa un “Student Portal” cu lo ta accesibel pa e studiante 24ora pa dia, 7 dia pa siman. E compania AFAS B.V. a keda encarga cu desaroyo y implementacion di e aplicacion aki. Dia prome di februari, Minister di Enseñansa Michelle Hooyboer-Winklaar ta lansa e Arubalening Portal .

Procedura di Aplicacion
Desde dia 1 di februari 2017 studiantenan por cuminsa cu e proceso di aplicacion pa Arubalening a traves di e Arubalening Portal.
E portal y tur informacion necesario ta accesibel via e website di Departamento di Enseñansa Aruba – www.ea.aw.

 

 

You May Also Like

Aumento drastico den peticion Venezolano pa extension estadia turistico

Den 2016 Dimas a registra un bahada leve pa locual ta trata e peticionnan ...

Banco Central: Incertidumbre pa futuro ta afecta sentimento consumido

Sentimento di e consumidor a deteriora den e di dos trimester di 2017 segun ...

1459677_691391767561307_1855567343_n.jpg

Camara di Comercio y Industria di Aruba ta reacciona riba “all-inclusive”

Camara di Comercio y Industria di Aruba (KvK) a tuma nota cu lo por ...

‘Trahando aworaki pa fortalece structura di cuido na scolnan’

Diadomingo ultimo, fundacion Elsa Coffi (F.E.C.) a organisa un charla pa tur maestro riba ...

Minister de Meza ta pidi pa tene tiki pasenshi

ORANJESTAD –  Minister Mike de  Meza a referi na e rapport di Caft cu ...

Actividadnan di ‘Siman Cultural’ relaciona cu 18 di maart

Lista di actividadnan relaciona cu nos dia nacional di Himno y Bandera di Comision ...