ASB: Sistema di score digital pa campeonato 2018

Directiva di Aruba Softball Bond (ASB) a tene nan reunion, entre otro tocante un sistema digital di score, segun e relato ricibi.

Den nan di 2 reunion di 2018, ASB ta preparando strategia pa ehecuta structuralmente nan plannan. Sinembargo a enfoca hopi introduccion di un sistema digital di scoring.

Bou di encargo di Estefano Croes y Alfred  Huntington e proyecto aki ta avansando pa asina haci un presentacion oficial na februari na ASB, di acuerdo cu e necesidadnan di ASB.

Tur Liga y tambe tur torneonan cu ASB auspicia den 2018 lo bay haci uzo di e sistema aki. Esaki ta brinda no solamente resultado y estadistica a instante, pero tambe mundialmente tur hende por sigui tur wega estilo play by play.

Otro punto cu a wordo trata  ta e Liga Special cu ASB lo organisa den luna di april. ASB lo importa 5 pitcher di un halto nivel y lo pone esakinan disponibel pa 5 ekipo miembro den klasse AA.

Lo hunga un luna largo estilo di double header. ASB kier logra pa tur su miembronan adapta y siña conoce e picheo internacional desaroyando habilidad nan di nos atletanan. Alaves dicho pitcher mester siña e pitcher nan di e ekipo cu el a bin hunga pe.

E torneo aki lo ta uno open, unda solamente miembronan di ASB por participa. Hungadonan di tur ekipo nan miembro por reforsa un di e 5 ekipo nan aki sin mester pasa e proceso di overschrijving. Esaki ta conta solamente pa Liga Special.

Den luna di mei momento campeonato oficial inicia e regla di overschrijving ta keda uno valido. Softball den pleno desaroyo.

You May Also Like

Stichting Brazil Taekwondo a sali Best Team durante campeonato

Recientemente a tuma luga e campeonato di himno y bandera di Brazil Taekwondo Stichting. ...

Aruba junior campeon di baseball Latino Americano

Despues di 6 aña e baseball di Aruba ta regresa e Serie Mundial di ...

Beach tennis a cu logro historico ganando di 2 medaya di plata y 1 di brons

ORANJESTAD – Durante fin di siman e den competencia di beach tennis Duo mixto Aksel ...

Aljereau Sophia y Veronique Antens ta gana e Crossfit Open 2019

ORANJESTAD – Atletanan Veronique Antens y Aljereau Sophia ta gana e Crossfit Open 2019 na Aruba. Despues di ...

Cuater medaya di oro pa atleta Ericko Pieternella

Atleta Ericko Pieternella a logra 4 medaya di otro durante e North and Central ...

Resultado di campeonato Summer Slam BMX Race 2017

  Recientemente a tuma luga un tremendo campeonato di bike-cross y strider Summer Slam ...