(TMZ) – CEO di Astronomer Andy Byron y e hefe di HR di e compania Kristin Cabot su trabao ta den peligro despues cu a gara nan hunto na un concierto di Coldplay anteriormente e siman aki y e compania a lansa un investigacion tocante nan relacion.
E compania a anuncia e investigacion diasabra mainta, bisando su siguidonan y mas importante su inversionistanan, cu Astronomer ta investigando e topico y lo “tin detaye adicional pa comparti pronto.”
Astronomer tambe a usa e oportunidad pa aclaria algun detaye, anunciando cu e muhe identifica como un Vice Presidente den departamento di recurso humano no tabata na e concierto a pesar di reportahenan, y Byron no a publica un declaracion te ainda.
E caso aki a bira un sensacion mundial ora cu dos persona a ser gara ta brasa otro riba pantaya durante un concierto di Coldplay. Ora cu nan a ripara cu nan ta riba e pantaya, e personanan aki a core sconde y e e dos persona ta Byron y Cabot.
E video, publica pa un muhe yama Grace Springer, a haya atencion online inmediatamente y a causa cu a hasta cuminsa bende articulonan cu e tema aki.
Mientras cu algun manera e co-fundador y ex CEO di Astronomer manera Ry Walker a sali defende Byron, un exposicion citando empleadonan anonimo di Astronomer pa canando rond y ta acusa cu el a actua di manera inapropia pa medio di grita y te hasta menasa empleadonan na un trabao anterior.
E lo por tuma tempo pa Astronomer su investigacion caba, pero nan ta informa cu e investigacion tocante esaki actualmente ta andando.
