ORANJESTAD – Mas medaya pa atletanan di Special Olympics Aruba. Ta asina cu e delegacion di Special Olympics di Aruba ta sigui cosecha exito den e Special Olympics Summer World Games na Abu Dhabi, unda riba e penultimo dia nan ta logra dos medaya mas pa Aruba den e deporte di badminton.
E atleta femenino, Mildred Every a bataya fuerte y a logra un di dos luga bon pa un medaya di plata mientras e atleta masculino Johny Perez a logra un medaya di brons den e mesun deporte. Cu e dos medayanan acerca Special Olympics Aruba a logra conkista un cantidad grandi di medaya na Abu Dhabi.
