Diahuebs den careda di 5:45 atardi un homber di edad a bay deposita placa na CMB Noord parti pafo a keda sorprendi pa dos homber desconoci caminda nan lo a saca arma p’e y horta e saco cu placa aden di un negoshi.
E sospechosonan arma despues di a ataca e homber di edad cu e saco di placa a subi un scooter preto y asina bandona e sitio. Tabatin testigo cu a mira tur cos y sigur e banco tin e grabacion di e movecionnan aki.
Polis a presenta di biaha na e sitio pa tuma datos y notifica recherche di atraco team pa haci nan investigacion determina ken lo por ta e sospechosonan. Desconoci e suma cu e atracadornan a bay cune den e saco di deposito. Personal di slachtofferhulp tambe a presenta pa asina papia cu e victima.
