E atraco arma riba e chauffeur di taxi na South Beach Mall riba 26 di Juli ultimo ta practicamente soluciona pa Cuerpo Policial di Aruba bao guia di Ministerio Publico. Actualmente tin seis sospechoso den detencion, entre nan dos menor di edad. Ministerio Publico sin embargo no ta excluí mas detencion.
Durante e atraco riba e chauffeur di taxi R.A.G. un tiro a wordo gelos. E tiro aki a alcanza e victima den su cara. El a resulta gravemente herida y ta den exterior pa tratamento medico.
E sospechosonan ta wordo sospecha di a comete un atraco arma sumamente violento y di posesion di arma di candela. E caso lo wordo trata Pro Forma den Corte na november venidero. Den su contenido e caso lo wordo trata na inicio di otro aña.