Na India gruponan di homber atrobe a viola dos mucha den dos indicente separa. Ambos a tuma luga na Delhi, capital di India. Diabierna anochi dos homber a secuestra un mucha muhe di 2 aña durante un evento religioso, pa despues viola e mucha y lag’e atras den un park cerca su cos. E otro caso ta trata di un mucha muhe di 5 aña cu den cas di su bisiña a keda viola pa tres hende homber. Awe un grupo di mas om menos 100 hende a bin demonstra dilanti e cas di e victima di 2 aña pa mustra nan frustracion. Segun nan, polis no ta haci suficiente pa detene e abusadonan y proteha mucha/hende muher den e pais.
